કેન્દ્રીય ગૃહમંત્રીશ્રી અમિત શાહે ગુજરાતમાં અમદાવાદમાં રૂ. ૧૪૬ કરોડનાં મૂલ્યનાં વિકાસ કાર્યોનું વર્ચ્યુઅલ ઉદ્ઘાટન અને શિલાન્યાસ કર્યા

પ્રધાનમંત્રી શ્રી નરેન્દ્ર મોદીના ૧૦ વર્ષના કાર્યકાળમાં, સ્વતંત્રતા પછીની બધી જ સરકારોના ૭૦ વર્ષના કાર્યકાળ કરતાં વધુ વિકાસ થયો છે

કેન્દ્રીય ગૃહમંત્રી અને સહકારિતા મંત્રી શ્રી અમિત શાહે ગુજરાતના અમદાવાદમાં રૂ. ૧૪૬ કરોડના અનેક વિકાસ કાર્યોનું વર્ચ્યુઅલ ઉદ્ઘાટન અને શિલાન્યાસ કર્યા હતા. કેન્દ્રીય ગૃહમંત્રી શ્રી અમિત શાહે પોતાના સંબોધનની શરૂઆત દેશવાસીઓને હોળીના પર્વની શુભકામનાઓ આપીને કરી હતી. તેમણે ઉલ્લેખ કર્યો હતો કે, અત્યારે ત્રણ પ્રોજેક્ટનું ઇ-ઉદ્ઘાટન થઈ રહ્યું છે અને તેનો શિલાન્યાસ વર્ચ્યુઅલ રીતે થઈ રહ્યો છે. જેમાં એક મહત્વનો ઘટનાક્રમ સાણંદ-ચેખલા-કડી રોડ પર અમદાવાદ-વિરમગામ રેલવે ટ્રેક પર અંદાજે ૧ કિમી લાંબો રેલવે ઓવરબ્રિજ બનાવવાનો છે. જેમાં ૬૦ કરોડના રોકાણનો સમાવેશ થાય છે. શ્રી શાહે ભારપૂર્વક જણાવ્યું હતું કે, એક વખત ઓવરબ્રીજનું નિર્માણ પૂર્ણ થઈ ગયા પછી તેનાથી સ્થાનિક રહેવાસીઓને તેમની દૈનિક અવરજવરની સુવિધામાં નોંધપાત્ર વધારો થશે.

શ્રી અમિત શાહે જણાવ્યું હતું કે, આજે નેશનલ હાઇવે નંબર ૧૪૭ પર નર્મદા કેનાલ પર રૂ.૩૬.૩૦ કરોડના ખર્ચે ૪ લેન બ્રિજ અને છારોડી ખાતે સરખેજ-ગાંધીનગર (એસજી) હાઇવે પર રૂ.૪૫ કરોડના ખર્ચે ફ્લાયઓવર બ્રિજનું ખાતમુહૂર્ત કરવામાં આવ્યું છે. તેમણે જણાવ્યું હતું કે, આ તમામ વિકાસના કામો ગાંધીનગર લોકસભા મત વિસ્તારના ચાર વિધાનસભા મત વિસ્તારમાં વિકાસના નવા સિમાચિન્હો સ્થાપિત કરશે.

કેન્દ્રીય ગૃહમંત્રીએ જણાવ્યું હતું કે, પ્રધાનમંત્રી શ્રી નરેન્દ્ર મોદીના નેતૃત્વમાં ગુજરાતના મુખ્યમંત્રી શ્રી ભૂપેન્દ્ર પટેલે ગાંધીનગર લોકસભા મતવિસ્તારમાં હજારો કરોડના અનેક વિકાસલક્ષી પ્રોજેક્ટ પૂર્ણ કર્યા છે. ઇન્ફ્રાસ્ટ્રકચરની દ્રષ્ટિએ જાેઇએ તો ગુજરાત હાલ ભારતભરમાં પ્રથમ સ્થાને છે. તેમણે જણાવ્યું હતું કે, પ્રધાનમંત્રી મોદીના નેતૃત્વમાં સાણંદ તાલુકા, કલોલ વિધાનસભા મતવિસ્તાર અને ગાંધીનગર લોકસભા મતવિસ્તારમાં જ નહીં, પરંતુ સમગ્ર ગુજરાતમાં વિકાસ થયો છે. શ્રી શાહે જણાવ્યું હતું કે, આ માળખાગત પ્રોજેક્ટ્સથી સ્થાનિક રહેવાસીઓની સુવિધામાં વધારો થશે, કનેક્ટિવિટીમાં સુધારો થશે અને રોજગારી, ઉદ્યોગ અને વ્યવસાયને નવું પ્રોત્સાહન મળશે. શ્રી અમિત શાહે જણાવ્યું હતું કે, ભારત સરકાર સાણંદમાં ૫૦૦ બેડની અત્યાધુનિક હોસ્પિટલનું નિર્માણ કરવા જઈ રહી છે. તેમણે જણાવ્યું હતું કે, સાણંદ અને બાવળા તાલુકાના તમામ નાગરિકો માટે આ હોસ્પિટલ ૨૪ કલાક ખુલ્લી રહેશે તેવો ભારત સરકારે ર્નિણય કર્યો છે. તેમણે એમ પણ કહ્યું હતું કે, આ વિસ્તારમાં અનેક ટ્રસ્ટ સંચાલિત હોસ્પિટલોનું નિર્માણ થઈ રહ્યું છે. વધુમાં ભારત સરકાર દ્વારા કલોલ તાલુકામાં ૩૦૦ બેડની સરકારી હોસ્પિટલનું નિર્માણ કરવામાં આવી રહ્યું છે. શ્રી શાહે જણાવ્યું હતું કે, એક વખત આ તમામ હોસ્પિટલોનું નિર્માણ પૂર્ણ થઈ જાય પછી દરેક વ્યક્તિને પોતાના ઘરની નજીક અત્યાધુનિક સ્વાસ્થ્ય સુવિધાઓ ઉપલબ્ધ કરાવી શકાશે.

કેન્દ્રીય ગૃહમંત્રી અને સહકારિતા મંત્રીએ જણાવ્યું હતું કે, પ્રધાનમંત્રી મોદીના નેતૃત્વમાં સમગ્ર દેશની સાથે ગુજરાત પણ નોંધપાત્ર પ્રગતિ કરી રહ્યું છે. તેમણે ઉલ્લેખ કર્યો હતો કે, ગુજરાત કચ્છ, એશિયાનું સૌથી મોટું ગ્રીન સિટી ધોલેરા અને ભારતનો બીજા ક્રમનો સૌથી લાંબો હાઇવે સુરત-ચેન્નાઇ એક્સપ્રેસવેમાં આયોજિત વિશ્વનો સૌથી મોટો ગ્રીન એનર્જી પાર્ક ધરાવે છે. તેમણે વધુમાં જણાવ્યું હતું કે, આંતરરાષ્ટ્રીય નાણાકીય હબ બનાવવા માટે ગિફ્ટ સિટીની અમદાવાદમાં સ્થાપના કરવામાં આવી છે. અમદાવાદ-મુંબઇ બુલેટ ટ્રેન શરૂ કરવામાં આવી છે, અને ભુજથી અમદાવાદ વચ્ચે રેપિડ રેલ સેવા શરૂ કરવામાં આવી છે. શ્રી શાહે ઉમેર્યું હતું કે, પ્રધાનમંત્રી શ્રી નરેન્દ્ર મોદીનાં નેતૃત્વમાં અત્યારે ભારત દુનિયામાં બીજા ક્રમનું સૌથી મોટું રોડ નેટવર્ક ધરાવે છે, ત્રીજા ક્રમનું સૌથી મોટું મેટ્રો રેલ નેટવર્ક અને ચોથું સૌથી મોટું રેલવે નેટવર્ક ધરાવે છે. તેમણે એ બાબત પર પણ પ્રકાશ પાડ્યો હતો કે, અત્યારે દેશમાં ૧૩૬ વંદે ભારત ટ્રેનો દોડે છે અને ૯૭ ટકા બ્રોડગેજ નેટવર્કનું વિદ્યુતીકરણ થઈ ગયું છે.

તેમજ શ્રી અમિત શાહે જણાવ્યું હતું કે, મોદી સરકારે છેલ્લાં ૧૦ વર્ષમાં રાષ્ટ્રીય રાજમાર્ગોનાં નેટવર્કમાં ૬૦ ટકાનો વધારો કર્યો છે. તેમણે ઉલ્લેખ કર્યો હતો કે, આઝાદી પછીની તમામ સરકારોનાં ૭૦ વર્ષની સરખામણીમાં પ્રધાનમંત્રી શ્રી નરેન્દ્ર મોદીની સરકારનાં ૧૦ વર્ષમાં વધારે વિકાસ થયો છે. પ્રધાનમંત્રી મોદીના કાર્યકાળમાં ચાર માર્ગીય રાજમાર્ગોની લંબાઈમાં અઢી ગણો વધારો થયો છે. દરરોજ ૩૬.૫ કિલોમીટરના હાઈવે બની રહ્યા છે અને આજે દેશમાં ૧૫૭ એરપોર્ટ છે.