કોંગ્રેસના સમયે ઓછા ખર્ચે ડૉક્ટર બની શકાતુંસામાન્ય પરિવારનાં સંતાનોને ભાજપ ડૉક્ટર નહિ બનવા દે : શક્તિસિંહ ગોહિલ

ય્સ્ઈઇજી સોસાયટી તબીબી સ્નાતક અભ્યાસક્રમ વર્ષ ૨૦૨૪-૨૫માં કરવામાં આવેલ તોતીંગ ફી વધારો પરત ખેંચવા બાબત રાજ્યના મુખ્યમંત્રી અને આરોગ્યમંત્રીને પત્ર લખી માંગ કરતા ગુજરાત પ્રદેશ કોંગ્રેસ સમિતિના પ્રમુખ અને સાંસદ શક્તિસિંહ ગોહિલે જણાવ્યુ હતું કે ગુજરાત રાજ્યમાં ગુજરાત મેડીકલ એજ્યુકેશન રીસર્ચ સોસાયટી (ય્સ્ઈઇજી)ની રચના ૧૪ વર્ષ પહેલાં કરવામાં આવી હતી અને તે સમયે રાજ્ય સરકારે સતત એવી જાહેરાત કરી હતી કે ‘ઓછી ફીમાં ડોક્ટરો તૈયાર કરવામાં આવશે જે ગુજરાતની આરોગ્ય સેવાને મદદરૂપ થશે.’ પરંતુ જે રીતે રાજ્ય સરકાર દ્વારા રાતોરાત ય્સ્ઈઇજીની મેડીકલ કોલેજોમાં ઝીંકાયેલો જંગી ફી વધારો જે-તે સમયની રાજ્ય સરકારની જાહેરાતથી તદ્દન વિપરીત છે.

હાલ રાજ્યમાં ૧૩ ય્સ્ઈઇજી મેડીકલ કોલેજો છે છતાં ગુજરાતમાં મોટા પાયે ડોક્ટર, સ્પેશ્યાલીસ્ટ ડોક્ટર, પેરા મેડીકલ સ્ટાફ, નર્સીસ સહિતના મેડીકલ ક્ષેત્રે જોડાયેલા માનવબળની મોટાપાયે ઘટ છે ત્યારે ગુજરાતના મેડીકલ અભ્યાસ કરીને ડોક્ટર બનવાનું સપનું જોતાં વિદ્યાર્થીઓ અને તેમના વાલીઓને વર્ષ ૨૦૨૪-૨૫ માટે સરકારી કોટામાં ૬૭% અને મેનેજમેન્ટ કોટામાં ૮૮% અને દ્ગઇૈં કોટામાં ૩,૦૦૦ ડોલરના અસહ્ય ફી વધારાને કારણે ડોક્ટર બનવું મુશ્કેલ બનશે. એક સાથે મેડીકલની ફીમાં ૬૭ થી ૮૮% સુધીના વધારાને કારણે વાલી-વિદ્યાર્થીઓ મોટી આર્થિક ચિંતામાં મુકાઈ ગયા છે.

સોસાયટીની કોલેજોમાં જે રીતે રાજ્ય સરકારે ફીનો તોતીંગ વધારો કર્યો છે તેના લીધે નીટના ઉંચા સ્કોરના આધારે જે વિદ્યાર્થી-વિદ્ર્યાથિનીને ય્સ્ઈઇજીની કોલેજોમાં પ્રવેશની શક્યતા હતી તે તમામ વિદ્યાર્થી-વાલીઓ માટે કેવી રીતે નાણાંકીય આયોજન કરવું તે ગંભીર પ્રશ્ન બની ગયો છે. ગુજરાતના વાલીઓ કે જેઓ પોતાના સંતાનોને મેડીકલમાં ગુજરાત ખાતે અભ્યાસ કરાવવા માંગે છે તેઓની રજુઆત કોંગ્રેસ પક્ષને મળી હતી. મેડીકલમાં જંગી ફી વધારા અંગેની વાલીઓની ચિંતા વ્યાજબી છે. સરકારી મેડિકલ કોલેજની ફીને લઈ ગત વર્ષની માફક આ વખતે વાલીઓનો વિરોધ જ ન થાય તેવા બદઈરાદાપૂર્વક સરકારે પ્રવેશ પહેલા જ તોતિંગ ફી વધારો જાહેર કર્યો છે.

સરકારી ક્વોટાની બેઠકોમાં અત્યાર સુધીમાં ર્વાષિક રૂ.૩.૩૦ લાખ ફી લેવામાં આવતી હતી જેમાં ૬૬.૬૬%ના વધારા સાથે રૂ.૫.૫૦ લાખ ફી કરાઈ છે. મેનેજમેન્ટ ક્વોટાની ફી રૂ. ૯ લાખથી વધારીને રૂ.૧૭ લાખ કરવામાં આવી છે, જેમાં ૮૮.૮૮%નો વધારો કરાયો છે. મહત્વની વાત એ છે કે, મેડિકલ કોલેજોની ફીમાં ગત વર્ષે તા.ર૦ જુલાઈના રોજ જે ફી વધારા સાથે પરિપત્ર પ્રસિદ્ધ કરાયો હતો એમાં માત્ર તારીખ જ બદલવામાં આવી છે. બાકી કોઈ ફેરફાર કરાયો નથી.
તેમણે વધુમાં જણાવ્યું હતું કે એક તરફ દિવસેને દિવસે મેડિકલનું શિક્ષણ મોઘું થઈ રહ્યુ છે. ગરીબ અને સામાન્ય વર્ગના પરિવારના બાળક માટે ડોક્ટર બનવુ એક માત્ર સપનુ જ છે ત્યારે હવે ફરી તોતિંગ ફી વધારો ઝીંકી સામાન્ય-મધ્યમ પરિવારના બાળકો માટે પણ તબીબી-શિક્ષણનો રસ્તો સાવ બંધ કરી દેવાયો છે. આગામી દિવસોમાં ફી વધારો પાછો નહિ ખેંચાય તો કોંગ્રેસ પક્ષની વિદ્યાર્થી પાંખ એન.એસ.યુ.આઈ. આંદોલન કરશે.
સરકારી કોટામાં ૬૭% અને મેનેજમેન્ટ કોટામાં ૮૮% અને દ્ગઇૈં કોટામાં ૩,૦૦૦ ડોલરના અસહ્ય ફી વધારાને કારણે ડોક્ટર બનવું મુશ્કેલ