અમેરિકાના યુનાઇટેડ મેથોડિસ્ટ ચર્ચ દ્વારા સ્થાપિત ઈ.સ.૧૮૮૫થી કાર્યરત ક્લેરમોન્ટ સ્કૂલ ઓફ થિયોલોજીના ૧૩૦ વર્ષના ઈતિહાસમાં સૌ પ્રથમવાર એવું બન્યુ છે કે કોઈ બિન ખ્રિસ્તી ધાર્મિક પરંપરાના સંતને ડોક્ટરેટની ડિગ્રી આપવામાં આવી હોય. આધુનિક સમયમાં શિક્ષણને કારણે બે દેશ વચ્ચેની સીમાઓ ઘટી છે અને ધર્મ-જાતિઓ વચ્ચેના મતભેદો દૂર થયા છે. ભારત માટે અત્યંત ગૌરવની વાત છે કે આ વર્ષે તેમના દ્વારા શ્રીમદ્ રાજચંદ્ર મિશન ધરમપુરના સંસ્થાપક ગુરુદેવ રાકેશજીને (ઇટ્ઠાીજરદ્ઘૈ) ધાર્મિક અને માનવતાવાદી કાર્યોમાં અસાધારણ યોગદાન માટે ઓનરરી ‘ડૉક્ટર ઓફ ડિવિનિટી’ (ઁરડ્ઢ) ની ડિગ્રી એનાયત કરવામાં આવી છે. તેમની પદવીદાન સમારોહનો વીડિયો તેમના શ્રોતાઓ અને સમર્થકો વચ્ચે વાયરલ થઈ રહ્યો છે.
રાકેશ ઝવેરી, જેમને પૂજ્ય ગુરુદેવશ્રી રાકેશભાઈ તરીકે પણ ઓળખવામાં આવે છે. તેઓ ભારતના આધ્યાત્મિક નેતા, રહસ્યવાદી, જૈન વિદ્વાન, લેખક અને વક્તા છે. નાનપણથી જ આધ્યાત્મિક વલણ ધરાવતા, તેઓ જૈન આધ્યાત્મિક ગુરુ શ્રીમદ રાજચંદ્રના અનુયાયી છે. તેમણે શ્રીમદની શ્રેષ્ઠ કૃતિ આત્મસિદ્ધિ પર ડોક્ટરીનો અભ્યાસ પૂર્ણ કર્યો. તેમણે શ્રીમદ રાજચંદ્ર મિશન, ધરમપુરની સ્થાપના કરી જે આધ્યાત્મિક અને સામાજિક પ્રવૃત્તિઓને સમર્થન આપે છે. રાકેશ ઝવેરીનો જન્મ ૨૬ સપ્ટેમ્બર ૧૯૬૬ના રોજ મુંબઈમાં દિલીપ અને રેખા ઝાવેરીને ત્યાં થયો હતો, જેઓ જૈન ધર્મની શ્વેતામ્બર મૂર્તિપૂજક પરંપરાને અનુસરતા હતા. ૧૯૬૮માં રાજસ્થાનના સાધુ સહજ આનંદજી, જેમણે હમ્પીમાં શ્રીમદ રાજચંદ્ર આશ્રમની સ્થાપના કરી હતી, તે પાલીતાણામાં હતા. રાકેશના માતા-પિતા સહજ આનંદજીથી પ્રભાવિત હતા.
Recent Comments