ખાંભા આઈટીઆઈમાં પ્રવેશ મેળવવા ૨૦ જુલાઈ સુધીમાં ઓનલાઇન અરજી કરવી

ખાંભા ઔદ્યોગિક તાલીમ સંસ્થા (ITI) ખાતે ચાલતા વિવિધ પ્રકારના NCVT/GCVT પેટર્નના વ્યવસાયોમાં પ્રવેશ મેળવવા માટે પ્રવેશ પાત્રતા ધરાવતા ઉમેદવારો માટે પ્રવેશ સત્ર ઓગસ્ટ ૨૦૨૧માં ભરવાપાત્ર બેઠકો માટે ઓનલાઇન પ્રવેશ ફોર્મ ભરવાની પ્રક્રિયા શરૂ કરવામાં આવેલ છે. પ્રવેશ મેળવવા માંગતા ઉમેદવારોએ ઓનલાઇન પ્રવેશ ફોર્મ ભરવાનું રહેશે. ઉમેદવારોની સુવિધા માટે તેમના રહેઠાણની નજીક કોઈ પણ સરકારી કે ગ્રાન્ટ-ઇન-એઇડ ઔદ્યોગિક તાલીમ સંસ્થા ખાતે રૂ.૨૦/- ભરીને ઓનલાઇન https://itiadmission.gujarat.gov.in અને https://talimrojgar.gujarat.gov.in/ વેબસાઈટ ઉપર પ્રવેશફોર્મ તા. ૨૦/૭/૨૦૨૧ સુધીમાં ભરવાનું રહેશે. આ અંગે વધુ માહિતી માટે સંસ્થાની રૂબરૂ મુલાકાત લેવાની રહેશે.