ખેડામાં વાહનોને ભંગાર કરવા માટે અદ્યતન ટેક્નોલોજીનો ઉપયોગ થશે

સ્ક્રેપ પોલિસી અંતર્ગત ૧૫ વર્ષથી વધારે સરકારી અને કોમર્શિયલ વાહનોને સ્ક્રેપ કરવામાં આવશે. ૨૦ વર્ષથી વધારે જૂના ખાનગી વાહનોને પણ સ્ક્રેપ કરવામાં આવશે. સરકારનો દાવો છે કે આ પોલિસીને કારણે માર્ક અકસ્માતોમાં ઘટાડો થશે. નવા વાહનોમાં સુરક્ષાના ધોરણોનું પાલન કરવામાં આવશે. જૂવા વાહનો ભંગાર કરવામાં આવશે તો પ્રદૂષણ પણ ઘટશે.અમદાવાદ- રાજ્ય સરકાર દ્વારા વાહનોને ભંગાર કરવાની એટલે કે સ્ક્રેપ પોલિસીની જાહેરાત કરવામાં આવી ત્યારપછી હવે રાજ્યના ખેડા શહેરમાં નેશનલ હાઈવે નંબર ૪૮ નજીક ભંગાર થયેલા વાહનો માટે એક સુવિધા તૈયાર કરવામાં આવશે. કટારિયા ગ્રુપ અને સેન્ચ્યુરી મેટલ રિસાયકલિંગના સામૂહિક પ્રયાસના પરિણામે ખેડા પાસે સીએમઆર કટારિયા દ્વારા આ ફેસિલિટીની સ્થાપના કરવામાં આવી રહી છે. સીએમઆર કટારિયા દ્વારા શુક્રવારના રોજ આ સ્થાપના માટે રાજ્ય સરકાર સાથે હસ્તાક્ષર કરવામાં આવેલા સ્ર્ેંની જાહેરાત કરવામાં આવી હતી.

તાજેતરમાં ગાંધીનગરમાં ઈન્વેસ્ટર સમિટનું આયોજન કરવામાં આવ્યુ હતું. આ સમિટ દરમિયાન જ સીએમઆર કટારિયા દ્વારા સ્ર્ેં પર હસ્તાક્ષર કરવામાં આવ્યા હતા. સીએમઆર કટારિયાના ડિરેક્ટર ધર્મેન્દ્ર મિશ્રા આ બાબતે જણાવે છે કે, કંપની ખેડા નજીક એક સ્ક્રેપિંગ સેન્ટરની સ્થાપના કરશે. આ સેન્ટરની વાર્ષિક ક્ષમતા ૧૫,૦૦૦ ફોર-વ્હીલર્સ વાહનો, ૨૫૦૦ કોમર્શિયલ વાહનો અને ૫૦૦૦૦ ટુ-વ્હીલર વાહનોની હશે. આ પ્રાથમિક ક્ષમતા છે, જેમાં પાછળથી વધારો થઈ શકે છે. સેન્ટર પર અદ્યતન ટેક્નોલોજીના સાધનો હશે, સોફ્ટવેરનો ઉપયોગ કરવામાં આવશે અને તમામ પ્રવૃત્તિઓને પાર પાડવા માટે માનવ શ્રમની પણ મદદ લેવામાં આવશે. આ કંપની દ્વારા ઓક્ટોબર ૨૦૨૦થી અમદાવાદ ખાતેના વર્કસ્ટેશન પર ઈન્ફ(એન્ડ ઓફ લાઈફ વ્હીકલ્સ) સ્ક્રેપિંગની શરુઆત કરી દીધી છે. પરંતુ ખેડા ખાતે સમગ્ર કાર્ય મોટા પાયે થશે અને ત્યાં વાહનોને ભંગાર કરવાની ક્ષમતા પણ વધારે હશે. અત્યારે આ પ્રોજેક્ટ પર કામ ચાલી રહ્યું છે પરંતુ આગામી બે મહિનામાં કામ સમાપ્ત થઈ જાય અને સ્ક્રેપિંગની શરુઆત થઈ જાય તેવી શક્યતા છે.