ખેડૂતો ત્રાહિમામ પોકારી રહ્યા છે . પાક ઉભો સુકાઈ ગયેલ છે. સાવરકુંડલા તાલુકાના અમુક વિસ્તારોમાં મગફળીનો પાક સદંતર નિષ્ફળ. જગતનો તાત કરે છે પુકાર.. હવે કંઈ તો કરો સરકાર.. 

છેલ્લા ઘણા સમયથી વરસાદ ન હોવાથી સાવરકુંડલા તાલુકાના અમુક વિસ્તારોમાં મગફળીનો પાક સદંતર નિષ્ફળ ગયો હોય અને ખેડૂતો બિયારણ દવા તેમજ પોતાની મહેનતનો ખર્ચ પણ ન થાય તેવી પરિસ્થિતિમાં હોય સરકાર પાસે તાત્કાલિક અસરથી સર્વે કરી ખેડૂતોને યોગ્ય વળતર મળે એવી અપેક્ષા સાથે. અમુકને સિંચાઈની સગવડ ન હોય અને ચોમાસુ પાક સદંતર નિષ્ફળ ગયો હોય. છોડવો ખેંચો અને નીચે એક પણ ડોડવું ન હોય તેવી પરિસ્થિતિ હોય તેવા ખેડૂતોને કેટલી વિકટ પરિસ્થિતિ હોય તે તો જે અનુભવે એને જ ખબર હોય. ત્યારે આવી વસમી પરિસ્થિતિમાં ખેડૂતોને પૂરતાં પ્રમાણમાં યોગ્ય ન્યાય મળે એ હેતુસર સર્વે કરી સાવરકુંડલા તાલુકાના મેરીયાણા, લીખાળા, ગાધકડા, છાપરી, વીજપડી, ખડસલી, જેવા ગામોમાં  ખેડૂતો મુશ્કેલીમાં મુકાયેલા છે તો તાકીદ આ વિસ્તારમાં સર્વે કરી યોગ્ય નિરાકરણ લાવવા ખેડૂત અગ્રણીઓએ રજૂઆત કરેલ છે એમ અનિરૂધ્ધ ત્રિવેદીની એક અખબારી યાદીમાં જણાવાયું હતું.