ગાયત્રી પરિવાર દ્વારા શ્રી હાવતડ પ્રાથમિક શાળામાં દીપયજ્ઞ યોજાયો

હાવતડ પ્રાથમિક શાળા ખાતે તા.૯/૪/૨૨ ને શનિવાર ચૈત્ર સુદ આઠમા નોરતે અખિલ વિશ્વ ગાયત્રી પરિવાર શાખા પાડરશીંગા તત્વધાન શાંતિકુંજ હરિદ્વાર દ્વારા વૈશ્વિક મહામારી કોરોના પછી જ્યારે શાળાઓ નિયમિત શરૂ થઈ છે ત્યારે શૈક્ષણિક કાર્ય અવિરત ચાલુ રહે,બાળકોમાં  શિક્ષણ સાથે દિવ્ય સંસ્કારોનું પણ ઘડતર થતું રહે,વિશ્વ શાંતિ અને કોરોના કાળમાં મૃત્યુ થયેલા દિવંગત આત્માઓને શ્રદ્ધાંજલિ ના શુભ હેતુ સાથે પાડરશીંગા ગાયત્રી પરિવાર દ્વારા શ્રી રામદાસબાપુ નિમાવત દ્વારા દીપયજ્ઞ સંપન્ન થયો.    ધોરણ ૫ થી ૮ ના સૌ બાળકો અને શાળાના શિક્ષકોએ  વૈદિક વિધિ વિધાન સાથે ,વેદના મંત્રોચ્ચાર સાથે યોજાયેલ આ દીપયજ્ઞમાં પોતાની આહુતિ આપી.     શાળાના આચાર્યશ્રી શૈલેષભાઇ જોટંગિયા તથા શાળા પરિવારના તમામ શિક્ષકો દ્વારા ચૈત્રી નવરાત્રિ માં આવું  સુંદર આયોજન કરવામાં આવ્યું હતું.