ગુજરાતી ફિલ્મ ‘ઓમ મંગલમ સિંગલમ’નો ડિજિટલ પ્રીમિયર ૮મી જૂનથી શેમારૂમી પર

ગુજરાતી ફિલ્મોના સ્ટાર મલ્હાર ઠાકર અને આરોહીની ફિલ્મ ‘ઓમ મંગલમ સિંગલમ’ થિયેટર્સમાં સિલ્વર જ્યુબિલી કરી ચૂકી છે. પ્રેમની આંટીઘૂંટી, મિત્રતા અને આત્મખોજની વાત કરતી આ રોમેન્ટિક ડ્રામાને ૮મી જૂનથી શેમારૂમી પર માણી શક્શે. સંદીપ પટેલ દિગ્દર્શિત ફિલ્મ ‘ઓમ મંગલમ સિંગલમ’માં સિદ્ધાર્થ અને વાણી નામના બે વ્યક્તિની વાત છે, જે બાળપણથી સાથે મોટા થયા છે. સિદ્ધાર્થ અને વાણી સ્કૂલ સમયથી એકબીજાને પ્રેમ કરે છે. પરંતુ જેવું વાણી પોસ્ટ ગ્રેજ્યુએશન કમ્પલિટ કરે છે કે તરત જ બંને પર સમાજ અને પરિવાર તરફથી લગ્નનું દબાણ આવે છે. પરંતુ સિદ્ધાર્થ હજી લગ્ન માટે તૈયાર નથી. તેને લાગે છે કે તેને સિંગલ હોવાનો અનુભવ જ નથી મળ્યો, કારણ કે તે બાળપણથી વાણી સાથે જ રહ્યો છે. પરિણામે બંને પોતાના સંબંધોને એક બ્રેક આપીને પોતાની જાત સાથે એકલા જીવવાનું નક્કી કરે છે. હવે આ એકલા જીવવાની સફરમાં શું-શું થાય છે, અને શું ફરી સિદ્ધાર્થ અને વાણી ભેગા થાય છે કે નહીં? પ્રેમની આંટીઘૂંટીને મિત્રતા અને આત્મખોજ સાથે વર્ણવતી આ ફિલ્મમાં મલ્હાર ઠાકર અને આરોહીની સાથે ભામિની ઓઝા ગાંધી, તત્સત મુન્શી અને દર્શન ઝરીવાલાનો દમદાર અભિનય પણ જાેવા મળશે. શેમારૂમી પર ફિલ્મના ડિજીટલ પ્રીમિયરને લઈને મલ્હાર ઠાકર ખૂબ જ ઉત્સાહિત છે, તેમનું કહેવું છે કે, ઓમ મંગલમ સિંગલમ થિયેટરમાં ૨૫ અઠવાડિયા ચાલી છે, આ અનુભવથી જ હું તો ગદગદ છું. થિયેટરમાં તો ફિલ્મને દર્શકોએ વખાણી છે, હવે શેમારૂમી પર રિલીઝ સમયે હું ફરી રોમાચિંત છું. મને આશા છે કે આને કારણે ફિલ્મ વિશ્વભરના ગુજરાતી દર્શકો સુધી પહોંચશે, અને તેમને ગમશે. આરોહી પણ ફિલ્મને સુપરહિટ બનાવવા બદલ દર્શકોનો આભાર માનતા કહે છે,”ઓમ મંગલમ સિંગલમમાં બેફિકર અને નટખટ પર્સનાલિટી ધરાવતા વાણીના પાત્રને ભજવવાની તક મળવી એ વરદાન સમાન છે.