આલિયા ભટ્ટ નેટફ્લિક્સના હાર્ટ ઓફ સ્ટોનથી હોલીવુડમાં ડેબ્યૂ કરવા માટે તૈયાર છે. આમાં તે વન્ડર વુમન સ્ટાર ગેલ ગેડોટ સાથે કામ કરતી જોવા મળશે. આલિયા ભટ્ટ આ ફિલ્મથી ગ્લોબલ ડેબ્યૂ કરશે. બોલીવુડમાં પોતાની ઓળખ બનાવ્યા બાદ આલિયા હવે હોલીવુડમાં પોતાનો જાદુ ફેલાવવા માટે તૈયાર છે. ‘હાર્ટ ઓફ સ્ટોન’ની વાત કરીએ તો, તે એક સ્પાય થ્રિલર ફિલ્મ હશે, જેમાં ’50 શેડ્સ ઓફ ગ્રે’ સ્ટાર જેમી ડોર્નન પણ છે.
આલિયા ભટ્ટની લેટેસ્ટ ફિલ્મ ગંગુબાઈ કાઠિયાવાડી છે, જેનું નિર્દેશન સંજય લીલા ભણસાલી દ્વારા કરવામાં આવ્યું છે. ગંગુબાઈ કાઠિયાવાડીને દર્શકો તરફથી મળી રહેલા સતત પ્રેમથી આલિયા અને સંજય લીલા ભણસાલી ખૂબ જ ખુશ છે. ‘ગંગુબાઈ કાઠિયાવાડી’ એ રોગચાળાની શરૂઆત બાદ બોલિવૂડની ત્રીજી સૌથી વધુ ઓપનિંગ હાંસલ કરી છે. આ ફિલ્મને દર્શકો અને વિવેચકો તરફથી પણ ઘણી પ્રશંસા મળી રહી છે.
ખાસ કરીને ફિલ્મમાં આલિયા ભટ્ટની જોરદાર એક્ટિંગ દર્શકોને ખૂબ જ પસંદ આવી રહી છે. આલિયાની લેટેસ્ટ ફિલ્મ ગંગુબાઈ કાઠીયાવાડી વિશે વાત કરીએ તો, જ્યારે ફિલ્મે તેની રિલીઝના પ્રથમ સપ્તાહમાં જ વિશ્વભરમાં 100 કરોડનો આંકડો પાર કરી લીધો છે, ત્યારે આ ફિલ્મ સ્થાનિક સર્કિટમાં પણ 100 કરોડના ક્લબમાં તોડવાની નજીક પહોંચી ગઈ છે.
ફિલ્મનું બીજા સપ્તાહનું કલેક્શન રૂ. 92.22 કરોડ છે. આલિયા ભટ્ટ અગાઉ ઝોયા અખ્તરની “ગલી બોય” માં જોવા મળી હતી, જે તે વર્ષના બર્લિન ફિલ્મ ફેસ્ટિવલમાં પ્રીમિયર થઈ હતી અને તે આંતરરાષ્ટ્રીય હિટ બની હતી. આવી સ્થિતિમાં, અભિનેત્રીના વૈશ્વિક પદાર્પણથી તેના ચાહકો ખૂબ જ ખુશ થવાના છે, કારણ કે તેના ચાહકો ઘણીવાર સોશિયલ મીડિયા પર તેને હોલીવુડની ફિલ્મોમાં જોવાની ઇચ્છા વ્યક્ત કરતા જોવા મળ્યા છે.
Recent Comments