ગ્વાલિયરમાં એક રિટાયર્ડ એન્જિનિયરને ૩૮ વર્ષ પછી છૂટાછેડાના કેસનો ચૂકાદો આવ્યો

ગ્વાલિયરમાં ૩૮ વર્ષ બાદ રિટાયર્ડ એન્જિનિયરની છૂટાછેડાની અરજી પર કોર્ટે ચુકાદો આપ્યો છે. ૧૯૮૫માં પતિએ કોર્ટમાં છૂટાછેડા માટે અરજી કરી હતી. હાઇકોર્ટે રિટાયર્ડ એન્જિનિયરને છૂટાછેડાના બદલામાં પત્નીને ૧૨ લાખ રૂપિયાનું એલિમનિ ચૂકવવાનો આદેશ આપ્યો છે. મધ્યપ્રદેશના ગ્વાલિયરમાં એક વિચિત્ર કિસ્સો સામે આવ્યો છે. અહીં એક કપલને છૂટાછેડા માટે ૩૮ વર્ષ સુધી રાહ જાેવી પડી છે. વર્ષ ૧૯૮૫માં પતિએ કોર્ટમાં છૂટાછેડા માટે અરજી કરી હતી. હવે આ જ અરજી પર ર્નિણય આવ્યો છે. કોર્ટે બંનેને છૂટાછેડાની મંજૂરી આપી દીધી છે તે પણ ૩૮ વર્ષ પછી. પ્રતિક્ષા એટલી લાંબી થઈ ગઈ છે કે છૂટાછેડા માટે અરજી કરનાર એન્જિનિયરના બાળકોના લગ્ન પણ થઈ ગયા છે. ચાલો જાણીએ શું છે આ સમગ્ર મામલો અને કેવી રીતે આ કપલના છૂટાછેડામાં આટલો સમય લાગ્યો. પત્નીથી છૂટાછેડાનો આ કેસ ભોપાલ કોર્ટથી શરૂ થયો હતો. આ પછી વિદિશા ફેમિલી કોર્ટ, ગ્વાલિયરની ફેમિલી કોર્ટ પછી હાઈકોર્ટ અને પછી સુપ્રીમ કોર્ટ ગઈ. નિવૃત્ત એન્જિનિયર ભોપાલના રહેવાસી છે. જ્યારે તેમની પત્ની ગ્વાલિયરની રહેવાસી છે. એન્જિનિયરને હવે ૩૮ વર્ષ પછી તેની પ્રથમ પત્નીને છૂટાછેડા આપવાની મંજૂરી મળી ગઈ છે. આ રિટાયર્ડ એન્જિનિયરે ૧૯૮૧માં તેમની પહેલી પત્ની સાથે લગ્ન કર્યા હતા.

પરંતુ પત્નીને સંતાન ન હોવાના કારણે ૧૯૮૫માં અલગ થઈ ગયા હતા. જુલાઈ ૧૯૮૫માં પતિએ ભોપાલમાં ૪ વર્ષ સુધી સંતાન ન હોવાના કારણે છૂટાછેડા માટે અરજી રજૂ કરી, પરંતુ તેનો દાવો ફગાવી દેવામાં આવ્યો. આ પછી પતિએ વિદિશા કોર્ટમાં છૂટાછેડા માટે અરજી કરી. તેનાથી વિપરિત, ડિસેમ્બર ૧૯૮૯ માં પત્નીએ સંબંધો પુનઃસ્થાપિત કરવા માટે ફેમિલી કોર્ટ, ગ્વાલિયરમાં અરજી દાખલ કરી. પતિ-પત્નીની એકબીજા સામેની અપીલને કારણે આ મામલો લાંબા સમય સુધી કોર્ટમાં ફરતો રહ્યો. છૂટાછેડા માટેની પતિની અરજી પર પૂર્વ પક્ષની કાર્યવાહી કરતા કોર્ટે પતિને છૂટાછેડા માટે હકદાર ગણાવ્યો અને તેની તરફેણમાં ર્નિણય આપ્યો. પરંતુ પ્રથમ પત્નીએ છૂટાછેડાના આદેશ સામે અપીલ કરી હતી, જે કોર્ટમાં સ્વીકારવામાં આવી હતી. એપ્રિલ ૨૦૦૦માં, વિદિશામાં પતિના પેન્ડિંગ ડિવોર્સ કેસને કોર્ટે ફગાવી દીધો હતો. આ પછી પતિએ હાઈકોર્ટમાં અપીલ કરી હતી. હાઈકોર્ટે ૨૦૦૬માં પતિની અપીલને ફગાવી દીધી હતી. જેની સામે પતિએ સુપ્રીમ કોર્ટમાં જીન્ઁ દાખલ કરી હતી. પતિની જીન્ઁ પણ સુપ્રીમ કોર્ટે ૨૦૦૮માં ફગાવી દીધી હતી. પતિએ ફરીથી ૨૦૦૮માં છૂટાછેડા માટે અરજી કરી હતી. જુલાઈ ૨૦૧૫માં વિદિશા કોર્ટે પતિની અરજી ફગાવી દીધી હતી. આ પછી તેણે હાઈકોર્ટની ગ્વાલિયર બેંચમાં અપીલ દાખલ કરી. આખરે ૩૮ વર્ષની રાહ જાેયા બાદ બંનેએ હાઈકોર્ટમાંથી છૂટાછેડા લીધા હતા. પતિ-પત્ની વચ્ચે છૂટાછેડાના કારણે બંને અલગ રહેતા હતા. ૧૯૯૦માં પતિએ બીજા લગ્ન કર્યા હતા. આ નિવૃત્ત એન્જિનિયરને તેની બીજી પત્નીથી બે બાળકો છે, જેઓ પણ પરિણીત છે. ૩૮ વર્ષની કાનૂની લડાઈ બાદ આખરે પતિ અને પ્રથમ પત્નીએ સંમતિથી છૂટાછેડા માટે સંમતિ આપી છે. હાઈકોર્ટે પતિને સૂચના આપી છે કે તે પત્નીને એકસાથે બાર લાખ રૂપિયા ચૂકવે. ખરેખર, મહિલાના પિતા પોલીસમાં ઓફિસર હતા. તેઓ ઈચ્છતા હતા કે દીકરીનો પરિવાર તૂટવો ન જાેઈએ. એટલા માટે મહિલા વારંવાર કોર્ટમાં છૂટાછેડા રોકવા માટે અપીલ કરી રહી હતી. પરંતુ મહિલાના ભાઈઓની સમજાવટ બાદ પતિ-પત્ની સંમતિથી છૂટાછેડા લેવા રાજી થયા હતા. હાઇકોર્ટે એક નિવૃત્ત એન્જિનિયરને છૂટાછેડાના બદલામાં તેની પત્નીને ૧૨ લાખ રૂપિયાનું એલિમની ચૂકવવાનો આદેશ આપ્યો છે.