ઘરે આવેલા મહેમાનોને ખવડાવો ‘મગની દાળનો હલવો’, નોંધી લો તમે પણ રેસિપી

મગની દાળનો હલવો ખાવાની બહુ જ મજા આવે છે. જ્યારે તમારા ઘરે કોઇ મહેમાન આવવાનું હોય ત્યારે તમે મગની દાળનો શીરો બનાવો છો તો મહેમાન તમારા વખાણ કરવા લાગશે અને તમે ખુશ-ખુશ થઇ જશો. તો જલદી-જલદી નોંધી લો તમે પણ આ રેસિપી..

સામગ્રી  

• 4 થી 5 કલાક મગની દાળને પાણીમાં પલાળી રાખો
• 2 મોટા ચમચા દેશી ઘી
• 1 મોટો ચમચો સોજી
• 1 મોટી ચમચી ચણાનો લોટ

ખાંડની ચાસણી માટે

• 1 કપ પાણી
• 1 કપ ખાંડ
• ચપટી કેસર
• એલચી પાવડર

બનાવવાની રીત 

• સૌથી પહેલા મગની દાળને પાણીમાંથી કાઢીને તેને ક્રશ કરીને પેસ્ટ બનાવી લો.
• હવે એક કઢાઈમાં ઘી નાખીને એમાં સોજી અને બેસન નાખો.
• સોજી અને બેસન બ્રાઉન રંગના થાય ત્યાં સુધી શેકવા દો.
• હવે એમાં ક્રશ કરેલી મગની દાળ નાખો અને સતત હલાવતા રહો.
• મગની દાળ ત્યાં સુધી શેકો જ્યાં સુધી એ બ્રાઉન રંગની થાય.

ચાસણી બનાવવા માટે

• ચાસણી બનાવવા માટે સૌથી પહેલા એક મોટા વાસણમાં પાણી લો.
• હવે આ પાણીમાં ખાંડ નાખો અને તેને ઉકાળો.
• ત્યારબાદ એમાં કેસર અને એલચી પાવડર નાંખીને ચાસણીને બરાબર ઉકળવા દો.
• હવે ચાસણીને મગની દાળમાં મિક્સ કરો.
• આ પ્રોસેસ થઇ જાય એટલે મિશ્રણને બરાબર ચઢવા દો.
• મિશ્રણ તૈયાર થઈ જાય એટલે એમાં ડ્રાય ફ્રૂટ્સ મિક્સ કરો.
• તો તૈયાર છે મગની દાળનો હલવો.
• તમારા ઘરમાં ગળપણ વધારે ખાતા હોય તો તમે ચાસણીમાં થોડી ખાંડ વધારે એડ કરી શકો છો.
• મગની દાળનો હલવો તમે તમારા બાળકોને ખવડાવો છો તો એને પૂરતા પ્રમાણમાં પોષકતત્વો મળી રહે છે.