ચીન હવે અક્સાઈ ચીન નજીક સેના મોકલવાની તૈયારીમાં

ચીને અક્સાઈ ચીન સુધી રસ્તાઓ, ચોકીઓ અને છાવણીઓ બનાવી છે. તેના દ્વારા તે કટોકટીની સ્થિતિમાં અહીં સેનાની તૈનાતી સુનિશ્ચિત કરવા માંગે છે. બ્રિટિશ થિંક-ટેંક ચથમ હાઉસે છેલ્લા ૬ મહિનાના સેટેલાઇટ ડેટાના આધારે આ દાવો કર્યો છે. અક્સાઈ ચીન સુધી ઈન્ફ્રાસ્ટ્રક્ચરના વિસ્તરણ સાથે હવે ચીન પોતાની સેનાને અહીં તુરંત મોકલી શકશે. બ્રિટિશ થિંક-ટેંકે દાવો કર્યો છે કે ઓક્ટોબર ૨૦૨૨થી ચીન અહીં નિર્માણ કાર્યમાં લાગેલું છે. સેટેલાઇટ તસવીરો દર્શાવે છે કે ચીને હવે અક્સાઈ ચીન વિસ્તારમાં બાંધકામનું કામ પૂર્ણ કરી લીધું છે. મે ૨૦૨૦ માં સરહદ પર લોહિયાળ અથડામણ પછી, ચીન ભારત સાથેના સરહદી વિસ્તારોમાં ઝડપથી કનેક્ટિવિટીને પ્રોત્સાહન આપી રહ્યું છે. ચીન ગાલવાન ખીણમાં પ્રવેશ મેળવવા માટે સંઘર્ષ કરી રહ્યું છે. તે પોતાના વિસ્તારમાં જ મોટા પાયે અહીં બાંધકામનું કામ કરી રહ્યો છે, જે ભારત માટે ચિંતાનો વિષય છે. અક્સાઈ ચીનમાં થયેલા બાંધકામોમાં પહોળા રસ્તાઓ, ચોકીઓ, પાર્કિંગની સુવિધા સાથે આધુનિક વેધરપ્રૂફ કેમ્પ, સોલાર પેનલ્સ અને હેલિપેડનો પણ સમાવેશ થાય છે. એવું કહેવાય છે કે ચીન વિવાદિત વિસ્તારમાં નવું હેલીપોર્ટ પણ બનાવી રહ્યું છે. આ બંદર અક્સાઈ ચીન તળાવ પાસે આવેલું છે. ચીન અહીં ૧૮ હેંગર અને નાના રનવે બનાવી રહ્યું છે, જ્યાં ડ્રોન, હેલિકોપ્ટર અને ફાઈટર જેટ ઈમરજન્સીની સ્થિતિમાં ઉડી શકે છે. ૨૦૨૦ની હિંસા બાદથી ચીન અહીં એક મોટું ઓપરેશન કરવા માટે બાંધકામનું કામ કરી રહ્યું છે. રિપોર્ટ અનુસાર, ચીને ન્છઝ્રને અડીને આવેલા એરફિલ્ડને વધુ પહોળું કર્યું છે. આના માધ્યમથી ચીનનો ઈરાદો ભારતના ઓપરેશનનો સામનો કરવાનો છે. સરહદ પર થયેલી લોહિયાળ હિંસા બાદથી બંને દેશો વચ્ચેના સંબંધો ૬ દાયકા પાછળ ચાલ્યા ગયા છે. જૂન ૨૦૨૦માં ગલવાન ઘાટીમાં ૨૦ જવાનો શહીદ થયા હતા. ભારત સતત કહી રહ્યું છે કે જ્યાં સુધી સરહદ પર શાંતિ નહીં આવે ત્યાં સુધી ચીન સાથેના સંબંધો પુનઃસ્થાપિત કરી શકાય નહીં.