છેલ્લા બે કલાકમાં પાણીની આવક વડીમાં ૦.૦૧ એમ.ક્યુમ અને અન્ય ડેમમાં શૂન્ય છે

 અમરેલી જિલ્લા આપત્તિ વ્યવસ્થાપન તંત્રના તા.૨૯ ઓગસ્ટ, ૨૦૨૪ને ગુરુવારના સવારે ૧૦ વાગ્યાની સ્થિતિ રજૂ કરતા વિગતવાર અહેવાલમાં, જિલ્લાની ૧૦ યોજનાઓ – ડેમમાં પાણીની વિગતો છે. જિલ્લાના ખોડિયાર, ઠેબી, ધાતરવડી-૧ અને ધાતરવડી-૨, રાયડી, વડીયા, વડી, શેલ-દેદુમલ, મુંજિયાસર, સૂરજવડી સહિત ૧૦ યોજના-ડેમની સ્થિતિ સલામત છે. છેલ્લા બે કલાકમાં પાણીની આવક વડીમાં ૦.૦૧ એમ.ક્યુમ અને અન્ય ડેમમાં શૂન્ય છે.ખોડિયાર અને વડીયા યોજનામાં આજે પાણીની ટકાવારી ૧૦૦ ટકા છે. ધાતરવડી-૧, મુંજિયાસર અને સૂરજવડી યોજનામાં દરવાજા નથી. રાયડી, વડીઅને શેલ-દેદુમલ યોજનામાં દરવાજા બંધ છે. ડેમમાં આજની સ્થિતિ, ખોડિયાર- બે દરવાજા ૦.૩૦૫ મીટર, ઠેબી – એક દરવાજો ૦.૧૫ મીટર, વડીયા-૧ દરવાજો-૦.૧૫ મીટર છે, તેમ અમરેલી જળસિંચન વિભાગના, અમરેલી ફ્લડસેલ વાયરલેસના અહેવાલમાં જણાવવામાં આવ્યું છે.