જવાન ફિલ્મનું ૩૦૦ કરોડનું બજેટ, અડધું બજેટ તો સ્ટાર કાસ્ટની ફીમાં ગયું..

પઠાણ સાથે બોક્સ ઓફિસ પર ધૂમ મચાવ્યા બાદ હવે હિન્દી સિનેમાના બાદશાહ શાહરૂખ ખાન ફિલ્મ ‘જવાન’ સાથે ફરી એકવાર થિયેટરમાં એન્ટ્રી કરવાનો છે. સાઉથના પ્રખ્યાત નિર્દેશક એટલાના નિર્દેશનમાં બનેલી આ ફિલ્મનું બજેટ લગભગ ૩૦૦ કરોડ છે અને આ શાહરૂખની અત્યાર સુધીની સૌથી મોંઘી ફિલ્મ હોવાનું કહેવાય છે. સિદ્ધાર્થ આનંદ દ્વારા નિર્દેશિત પઠાણનું બજેટ લગભગ ૨૭૦ કરોડ રૂપિયા હતું. ૭ સપ્ટેમ્બર ૨૦૨૩ના રોજ રીલિઝ થનારી ‘જવાન’માં શાહરૂખ ખાનની સાથે સાઉથની પ્રખ્યાત અભિનેત્રીઓ નયનતારા, વિજય સેતુપતિ, દીપિકા પાદુકોણ, પ્રિયામણી, સાન્યા મલ્હોત્રા અને સુનીલ ગ્રોવર પણ જાેવા મળશે. તો ચાલો એક નજર કરીએ. આ મોટા બજેટની ફિલ્મની સ્ટારકાસ્ટની ફી પર.

ફિલ્મમાં ડબલ રોલમાં જાેવા મળેલા શાહરૂખ ખાને આ ફિલ્મ માટે લગભગ ૧૦૦ કરોડ રૂપિયાની ફી લીધી છે. આ સિવાય ફિલ્મના પ્રોફિટ શેરિંગમાં તેને અમુક ટકા આપવાનો મામલો પણ સામે આવ્યો છે. એટલે કે બજેટનો સૌથી મોટો હિસ્સો શાહરૂખના ફાળે ગયો છે. દીપિકા પાદુકોણ બોલિવૂડની સૌથી વધુ કમાણી કરતી અભિનેત્રીઓમાંની એક છે. એવું કહેવામાં આવી રહ્યું છે કે તેણે જવાનમાં થોડી મિનિટોના કેમિયો માટે ૨૫ થી ૩૦ કરોડની રકમ ચાર્જ લીધો છે. સાઉથની અભિનેત્રી નયનતારા હિન્દી ફિલ્મ ઈન્ડસ્ટ્રીમાં જવાન સાથે ડેબ્યુ કરી રહી છે. આ ફિલ્મ માટે નયનતારાને લગભગ ૧૧ કરોડ રૂપિયા ફી તરીકે આપવામાં આવી છે. વિજય સેતુપતિ શાહરૂખ ખાનની ‘જવાન’માં નેગેટિવ રોલમાં જાેવા મળશે. તેણે આ ફિલ્મ માટે લગભગ ૨૧ કરોડ રૂપિયા ચાર્જ કર્યા છે.

ચેન્નાઈ એક્સપ્રેસમાં શાહરૂખ ખાન સાથે ડાન્સ કરતી જાેવા મળેલી પ્રિયમણી પણ જવાનનો ભાગ હશે. અભિનેત્રીએ આ ફિલ્મ માટે લગભગ ૨ કરોડ રૂપિયા ચાર્જ લીધો છે. વિક્રમની ગર્લ ગેંગનો હિસ્સો બનેલી સાન્યા મલ્હોત્રા પણ પહેલીવાર શાહરૂખ સાથે ‘જવાન’માં કામ કરી રહી છે, તેણે આ ફિલ્મમાં તેના રોલ માટે લગભગ ૧ થી ૨ કરોડ રૂપિયા ચાર્જ લીધો છે. પોતાની કોમેડીથી લોકોને હસાવનાર સુનીલ ગ્રોવર પણ આ ફિલ્મમાં છે. જાે રિપોર્ટ્‌સનું માનીએ તો તેણે જવાનની ભૂમિકા માટે લગભગ ૭૫ લાખ રૂપિયા લીધા છે. સાઉથ સિનેમામાં સંપત્તિ અને ખ્યાતિ કમાવનાર યોગી બાબુ શાહરૂખ ખાનની ફિલ્મ ‘જવાન’માં પણ જાેવા મળવાના છે. તેણે જવાનમાં કામ કરવા માટે લગભગ ૩૫ લાખ રૂપિયા ચાર્જ લીધો છે.