જેકી ભગનાની તેની ગર્લફ્રેન્ડ રકુલ પ્રીતસિંહ સાથે જન્મદિવસ ઉજવશે

જેકી ભગનાનીનું બોલિવૂડ સાથે ગાઢ સંબંધ છે. તે ફિલ્મ પ્રોડ્યુસર વાસુ ભગનાનીનો પુત્ર છે. રકુલે આ રીતે સ્પષ્ટ કર્યું છે કે તે જેકીને ડેટ કરી રહી છે. રકુલની અચાનક થયેલી આ જાહેરાતથી બધા આશ્ચર્યચકીત થઈ ગયા હતા, ત્યારે બધાએ બંનેને અભિનંદન પણ પાઠવ્યા હતા.જેકી ભગનાની એક અભિનેતા અને નિર્માતા છે. તેણે સૌપ્રથમ એક અભિનેતા તરીકે તેની કારકિર્દીની શરૂઆત કરી હતી. જેકીએ ફિલ્મ કલ કિસને દેખા હૈથી અભિનયની શરૂઆત કરી હતી. ફિલ્મ ચાલી નહીં, પરંતુ જેકીનો સારો દેખાવ બધાને પસંદ આવ્યો. આ પછી જેકીએ ફાલ્તુ, અજબ ગજબ લવ, રંગરેઝ જેવી ફિલ્મો કરી.

બધી ફિલ્મોને ખાસ પ્રતિસાદ મળ્યો નથી. આ પછી યંગિસ્તાન ફિલ્મમાં જેકીની એક્ટિંગને ખૂબ જ સારો રિસ્પોન્સ મળ્યો. જેકીએ પછી વેલકમ ટુ કરાચી અને ફ્રેન્ડ્‌સ ફિલ્મ કરી પરંતુ બંને ફિલ્મો ચાલી નહીં. જેકીએ ઘણો પ્રયાસ કર્યો, પરંતુ તે અભિનેતા તરીકે તેની કારકિર્દી બનાવી શક્યો નહીં. આ પછી જેકીએ નિર્માતા તરીકે કામ કરવાનું શરૂ કર્યું અને સરબજીત, દિલ જંગલી, વેલકમ ટુ ન્યૂયોર્ક, કુલી નંબર ૧ અને બેલ બોટમ જેવી ફિલ્મો બનાવી. તેની કેટલીક ફિલ્મોને ખૂબ જ સારો પ્રતિસાદ મળ્યો છે. પોતાના અંગત જીવનને કારણે ક્યારેય હેડલાઇન્સમાં ન રહેતા જેકીએ આ વર્ષે પોતાના પ્રેમ વિશે ખુલાસો કર્યો. જેકી રકુલ પ્રીત સિંહને ડેટ કરી રહ્યો છે અને તેથી જ જેકી માટે આ વર્ષનો જન્મદિવસ ખૂબ જ ખાસ છે કારણ કે તે આ જન્મદિવસ રકુલ પ્રીત સિંહ સાથે ઉજવશે. જન્મદિવસ ના ખાસ દિવસે અભિનેત્રીએ તેના ઈન્સ્ટાગ્રામ પર જેકી ભગનાની સાથેનો ફોટો શેર કર્યો છે. આ ફોટો શેર કરતા અભિનેત્રીએ એ પણ સત્તાવાર કરી દીધુ છે કે બંને રિલેશનશીપમાં છે અને એકબીજાને ડેટ કરી રહ્યા છે.