જેલમાં બંધ પાકિસ્તાનના પૂર્વ વડાપ્રધાન ઈમરાન ખાન ચૂંટણીમાં ત્રણ જગ્યા પરથી લડશે

પાકિસ્તાનના ચૂંટણી પંચે બુધવારે સંભવિત ઉમેદવારોના નામાંકન પત્રો સ્વીકારવાનું શરૂ કર્યું. આ સાથે ૮ ફેબ્રુઆરીએ યોજાનારી સામાન્ય ચૂંટણીની પ્રક્રિયા શરૂ થઈ ગઈ છે. સંભવિત ઉમેદવારો પાસેથી નામાંકન પત્રો મેળવવાની પ્રક્રિયા શરૂ કરીને, પાકિસ્તાનના ચૂંટણી પંચ (ઈઝ્રઁ) એ કહ્યું કે તેઓ સવારે ૮.૩૦ થી સાંજના ૪.૩૦ વાગ્યા સુધી ફોર્મ એકત્રિત કરી શકે છે અને ૨૨ ડિસેમ્બર સુધી તેમના નામાંકન પત્રો સબમિટ કરી શકે છે..

ઈઝ્રઁ ૨૩ ડિસેમ્બરે ઉમેદવારોની પ્રાથમિક યાદી જાહેર કરશે, જ્યારે ઉમેદવારી પત્રોની ચકાસણી ૨૪ થી ૩૦ ડિસેમ્બર દરમિયાન થશે. નવા સીમાંકન પછી, સંસદના નીચલા ગૃહ, નેશનલ એસેમ્બલીમાં ૩૩૬ બેઠકો હશે, જેમાં ૨૬૬ સામાન્ય બેઠકો, ૬૦ બેઠકો મહિલાઓ માટે અનામત અને ૧૦ બેઠકો બિન-મુસ્લિમો માટે અનામત છે.. જેલમાં બંધ પાકિસ્તાનના પૂર્વ વડાપ્રધાન ઈમરાન ખાન આગામી સામાન્ય ચૂંટણીમાં ઓછામાં ઓછા ત્રણ મતદારક્ષેત્રો પરથી લડશે. તેમની પાર્ટીએ બુધવારે આની જાહેરાત કરી હતી. ઈમરાન ખાનને ઈસ્લામાબાદની નીચલી અદાલતે ૫ ઓગસ્ટે પાકિસ્તાનના ચૂંટણી પંચ દ્વારા દાખલ કરવામાં આવેલા તોશાખાના ભ્રષ્ટાચાર કેસમાં દોષિત ઠેરવ્યો હતો..

આ ર્નિણયનો અર્થ એ થયો કે તેમને પાંચ વર્ષ માટે ચૂંટણી લડવા માટે ગેરલાયક ઠેરવવામાં આવ્યા હતા. થોડા દિવસો પછી, ઇસ્લામાબાદ હાઇકોર્ટે ઇમરાન ખાનની ત્રણ વર્ષની સજાને સ્થગિત કરી દીધી હતી, પરંતુ તે હજુ પણ અન્ય કેસોમાં જેલમાં છે. વકીલ અલી ઝફરે અદિયાલા જેલની બહાર મીડિયાને કહ્યું કે ઈમરાન ખાન કહેવા માંગે છે કે તેઓ પાકિસ્તાનના ઓછામાં ઓછા ત્રણ મતવિસ્તારમાંથી ચૂંટણી લડશે.. ડોન અખબારના અહેવાલ મુજબ, ઝફરે કહ્યું કે ઈસ્લામાબાદ હાઈકોર્ટ ટૂંક સમયમાં તોશાખાના કેસમાં દોષિત ઠરાવીને પડકારતી ઈમરાન ખાનની અરજી પર પોતાનો ચુકાદો આપી શકે છે. તેમણે કહ્યું કે અમને આશા છે કે ર્નિણય ટૂંક સમયમાં જાહેર કરવામાં આવશે કારણ કે (ચૂંટણી) શેડ્યૂલ બહાર પાડવામાં આવ્યું છે.