ઝારખંડના ડીજીપી અનુરાગ ગુપ્તાને તાત્કાલિક હટાવો : ચૂંટણી પંચનો નિર્દેશ

ભારતના ચૂંટણી પંચે (ઈઝ્રૈં) કાર્યકારી મહાનિર્દેશક પોલીસ (ડ્ઢય્ઁ) અનુરાગ ગુપ્તાને તાત્કાલિક અસરથી દૂર કરવાનો નિર્દેશ આપ્યો છે. ચૂંટણી પંચે શનિવારે ઝારખંડ સરકારને આ સૂચના આપી હતી. ચૂંટણી પંચ દ્વારા જારી કરાયેલા આદેશમાં કહેવામાં આવ્યું છે કે તેમને તાત્કાલિક અસરથી ડીજીપી પદ પરથી હટાવી દેવામાં આવે અને કેડરમાં ઉપલબ્ધ સૌથી વરિષ્ઠ ડીજીપી સ્તરના અધિકારીને હવાલો સોંપવામાં આવે. તમને જણાવી દઈએ કે ઝારખંડમાં ૧૩ નવેમ્બર અને ૨૦ નવેમ્બરે બે તબક્કામાં મતદાન છે. ચૂંટણીના પ્રથમ તબક્કા માટે નામાંકન પ્રક્રિયા શરૂ થઈ ગઈ છે.

દરમિયાન ચૂંટણી પંચે કાર્યકારી ડીજીપીને તાત્કાલિક અસરથી હટાવવાનો નિર્દેશ આપ્યો છે. સૂત્રોનું કહેવું છે કે ગત ચૂંટણીમાં ડીજીપી અનુરાગ ગુપ્તા વિરુદ્ધ ઘણી ફરિયાદો મળી હતી. ચૂંટણી પંચના સૂત્રોનું કહેવું છે કે અનુરાગ ગુપ્તાને હટાવવાનો ર્નિણય ગત ચૂંટણી દરમિયાન તેમની સામે થયેલી ફરિયાદોના ઈતિહાસ અને ચૂંટણી પંચ દ્વારા લેવામાં આવેલી કાર્યવાહીના આધારે લેવામાં આવ્યો છે. સૂત્રો કહે છે કે રાજ્ય સરકારે સંભવિત ડીજીપી અધિકારીઓની યાદી માંગી છે. જે મુજબ ડીજીપી પદના ઉચ્ચ અધિકારીને ડીજીપી પદનો ચાર્જ સોંપવામાં આવશે. સૂત્રોએ જણાવ્યું કે ચૂંટણી પંચે ઝારખંડ સરકારને સૂચનાઓનું પાલન કરવા અને શનિવારે સાંજે ૭ વાગ્યા સુધીમાં રિપોર્ટ સબમિટ કરવાનો નિર્દેશ આપ્યો છે.

આ સાથે ચૂંટણી પંચે કહ્યું છે કે સરકાર ૨૧ ઓક્ટોબરે સવારે ૧૦ વાગ્યા સુધીમાં ભારતીય પોલીસ સેવા (ૈંઁજી)ના વરિષ્ઠ અધિકારીઓની પેનલ રજૂ કરે, જેથી નવા ડ્ઢય્ઁની નિમણૂક કરી શકાય. નોંધનીય છે કે અગાઉ વર્ષ ૨૦૧૯માં લોકસભા ચૂંટણી દરમિયાન ઝારખંડ મુક્તિ મોરચા (ત્નસ્સ્)એ અનુરાગ ગુપ્તા પર પક્ષપાતી વર્તનનો આરોપ લગાવ્યો હતો. જે બાદ તેમને ઝારખંડના છડ્ઢય્ (સ્પેશિયલ બ્રાન્ચ)ના પદ પરથી મુક્ત કરવામાં આવ્યા હતા અને દિલ્હીમાં નિવાસી કમિશનર ઓફિસમાં તૈનાત કરવામાં આવ્યા હતા. ચૂંટણી પ્રક્રિયા પૂરી ન થાય ત્યાં સુધી ઝારખંડ પરત ફરવા પર પ્રતિબંધ હતો. આ સાથે ૨૦૧૬માં ઝારખંડથી રાજ્યસભાની ચૂંટણી દરમિયાન તેમના પર સત્તાના દુરુપયોગનો આરોપ પણ લાગ્યો હતો. વિભાગીય તપાસ બાદ તેમની સામે ચાર્જશીટ જારી કરવામાં આવી હતી.