ટ્રમ્પ પર ફાયરિંગ કરનાર કોણ?… શૂટરે ક્યાંથી કર્યું ફાયરિંગ?

અમેરિકાના પૂર્વ રાષ્ટ્રપતિ ડોનાલ્ડ ટ્રમ્પ ગોળીબારની ઘટનામાં બચી ગયા હતા. અમેરિકાના પેન્સિલવેનિયામાં એક ચૂંટણી રેલી દરમિયાન તેમના પર ફાયરિંગ કરવામાં આવ્યું હતું. હુમલાખોરે પૂર્વ રાષ્ટ્રપતિને ૧૦૦ મીટર દૂરથી નિશાન બનાવ્યા હતા. ગોળી ટ્રમ્પના કાનમાંથી નીકળી ગઈ હતી. તેના ચહેરા અને કાન પર લોહી દેખાતું હતું. આ સનસનાટીભર્યા શૂટિંગે અમેરિકામાં હલચલ મચાવી દીધી છે. સિક્રેટ સર્વિસે તરત જ હુમલાખોરને મારી નાખ્યા હતા. સિક્રેટ સર્વિસે કહ્યું કે ટ્રમ્પ પર હુમલો કરનારા બંને શૂટર્સને તરત જ માર્યા ગયા. શૂટરે છઇ-૧૫ સ્ટાઇલ રાઇફલનો ઉપયોગ કર્યો હતો. સ્થળ પરથી આ રાઈફલ મળી આવી છે. લો ઈનફોર્સમેન્ટના અધિકારીઓને એક મૃત વ્યક્તિ પાસેથી છઇ-૧૫ સ્ટાઈલની રાઈફલ મળી છે. અધિકારીઓનું માનવું છે કે તે જ હુમલાખોરે હુમલો કર્યો હતો.

વાસ્તવમાં ટ્રમ્પ પર હુમલામાં ઘણા શૂટર્સ સામેલ હતા. એક શૂટર ટ્રમ્પના સ્ટેજ પાસે ભીડમાં હતો, જ્યારે બીજા શૂટરનો મૃતદેહ બિલ્ડિંગ પાસે મળ્યો હતો. સિક્રેટ સર્વિસે બંને શૂટરોને સ્થળ પર જ ઠાર માર્યા હતા. ટ્રમ્પ પર ગોળીબાર કરનારા શૂટરોની ઓળખ થઈ ગઈ છે. ફેડરલ બ્યુરો ઑફ ઇન્વેસ્ટિગેશન (એફબીઆઈ) એ શૂટરની ઓળખ ૨૦ વર્ષના થોમસ મેથ્યુ ક્રૂક્સ તરીકે કરી છે. તે પેન્સિલવેનિયાનો રહેવાસી હતો.

શૂટરે ટ્રમ્પ પર ક્યાંથી ફાયરિંગ કર્યું? શૂટરે ટ્રમ્પ પર ૧૦૦ મીટર દૂરથી ગોળીબાર કર્યો હતો. સિક્રેટ સર્વિસે કહ્યું કે શૂટર જે જગ્યાએ રેલી થઈ રહી હતી ત્યાંથી લગભગ ૩૦૦ ફૂટના અંતરે હાજર હતો અને ત્યાંથી તેણે ટ્રમ્પને નિશાન બનાવ્યું. તેણે છઇ સ્ટાઈલ (છઇ-૧૫) રાઈફલથી ટ્રમ્પ પર ફાયરિંગ કર્યું હતું. જાેકે, આ શૂટરને સ્નાઈપરે માર્યો હતો. ઘટના બાદ ત્યાં સુરક્ષા સઘન કરી દેવામાં આવી હતી. ટ્રમ્પ પર હુમલા બાદ સિક્રેટ સર્વિસની સુરક્ષા પર સવાલો ઉઠી રહ્યા છે. મીડિયા રિપોર્ટ મુજબ રેલીમાં હાજર ગ્રેગ સ્મિથ નામના એક વ્યક્તિ એ તે શૂટરને જાેયો હતો તેણે બાદમાં પોલીસ સામે સમગ્ર ઘટનાનું વર્ણન કર્યું છે. સ્મિથે કહ્યું કે તેણે ટ્રમ્પના ભાષણની પાંચ મિનિટ પછી બંદૂકધારી વ્યક્તિને જાેયો. તે એક ઈમારતની છત પર રાઈફલ લઈને ઉભો હતો. આ ઇમારત રેલે (બંટર કાઉન્ટી) થી થોડે દૂર હતી.