ટ્રમ્પ સમર્થક વિવેક રામાસ્વામી અમેરિકામાં વોટિંગની રીતથી નારાજ

ભારતીય-અમેરિકન ઉદ્યોગપતિ વિવેક રામાસ્વામીએ રાષ્ટ્રપતિની ચૂંટણીની તારીખ પહેલા વહેલા મતદાનની જાેગવાઈનો વિરોધ કર્યો છે. રામસ્વામીએ ગુરુવારે ભારતીય ચૂંટણી પ્રક્રિયાની જેમ મતદાનની માંગ કરી હતી અને કહ્યું હતું કે અમેરિકામાં, સમગ્ર દેશમાં એક જ દિવસે મતદાન થવું જાેઈએ અને મતદારો માટે ચૂંટણી પહેલા તેમનું ઓળખ પત્ર બનાવવું ફરજિયાત હોવું જાેઈએ. વાસ્તવમાં અમેરિકામાં ૫ નવેમ્બરે રાષ્ટ્રપતિની ચૂંટણી માટે મતદાન થવાનું છે, પરંતુ લોકો ચૂંટણીની મુખ્ય તારીખના લગભગ ૪ અઠવાડિયા પહેલા પોતાનો મત આપી શકે છે. જેને વહેલું મતદાન કહેવામાં આવે છે. આ સમયગાળા દરમિયાન, પ્રચાર અને મતદાન બંને પ્રક્રિયાઓ એકસાથે ચાલુ રહે છે. જ્યારે ભારતમાં મતદાનના લગભગ ૩૬ કલાક પહેલા ચૂંટણી પ્રચાર બંધ થઈ જાય છે. જાે કે, અમેરિકાની તુલનામાં ભારતમાં વધુ વસ્તી હોવાને કારણે, મતદાન વિવિધ તબક્કામાં કરવામાં આવે છે.

બિઝનેસમેનમાંથી રાજનેતા બનેલા વિવેક રામાસ્વામીએ એરિઝોનામાં ટ્રમ્પ માટે એક રેલીને સંબોધતા કહ્યું, ‘મારે તમારી સાથે પ્રમાણિક કહું છું, મને વહેલું મતદાન ક્યારેય ગમ્યું નથી. હું એક દિવસના મતદાનમાં માનું છું, રાષ્ટ્રીય રજાના દિવસે લોકોએ પેપર બેલેટ દ્વારા મતદાન કરવું જાેઈએ અને આ માટે સરકારે લોકોને મતદાર યાદી સાથે મેચ કરીને ઓળખ કાર્ડ આપવા જાેઈએ. હું આમાં વિશ્વાસ રાખું છું અને ડોનાલ્ડ ટ્રમ્પ પણ આ સિસ્ટમમાં માને છે.’ આપ્યા છે. તેમણે કહ્યું કે એક રિપબ્લિકન તરીકે, ભલે અમને વહેલું મતદાન પસંદ ન હોય, પરંતુ હું તમને કહીશ કે તમે તમારા ઘરની બહાર આવો અને ગમે તે રીતે મતદાન કરો. કારણ કે આપણી સામે એક ચૂંટણી છે જેને આપણે જીતીને આપણા દેશને બચાવવાનો છે.

વિવેક રામાસ્વામી અમેરિકામાં ભારતીય મૂળના અબજાેપતિ બિઝનેસમેન છે. તેઓ ગયા વર્ષે રિપબ્લિકન પાર્ટીના રાષ્ટ્રપતિ પદના ઉમેદવારની રેસમાં સામેલ થયા હતા, પરંતુ બાદમાં ડોનાલ્ડ ટ્રમ્પની ઉમેદવારીના સમર્થનમાં પોતાનું નામ પાછું ખેંચી લીધું હતું. ૩૭ વર્ષીય રામાસ્વામીના માતા-પિતા ભારતીય હતા અને તેઓ કેરળના પલક્કડથી અમેરિકામાં સ્થાયી થયા હતા. રામાસ્વામીનો જન્મ અમેરિકાના ઓહાયો રાજ્યમાં થયો હતો. તેણે હાર્વર્ડ કોલેજ અને યેલ યુનિવર્સિટીમાં અભ્યાસ કર્યો.