‘ડાકોરના ગોટા’ આ રીતે બનાવો ઘરે, ક્રિસ્પી અને ટેસ્ટી બનશે

લોકો જ્યારે ડાકોરના ઠાકોરના દર્શન કરવા જાય ત્યારે અચુક ડાકોરના ગોટા ખાતા હોય છે. ડાકોરના ગોટા અને દહીં ખાવાની મજા જ કંઇક અલગ આવે છે. આમ, જો તમને પણ આ ગોટા બહુ ભાવે છે તો આ રીતે બનાવો ઘરે. ટેસ્ટમાં એકદમ ડાકોર જેવા જ બનશે.

સામગ્રી

1 કપ ચણાનો લોટ

½ કપ સોજી

આદુ મરચાની પેસ્ટ

જીરું

હળદર

લાલ મરચું

ગરમ મસાલો

વરિયાળી

સૂકા ધાણાં

તલ

કાળામરી

બેકિંગ સોડા

ખાંડ

લીંબુ

તેલ

મીઠું

તેલ

બનાવવાની રીત

• ડાકોરના ગોટા બનાવવા માટે સૌ પ્રથમ ઉપર જણાવ્યા મુજબ દરેક સામગ્રીને એક મોટા વાસણમાં લઇ લો.
• હવે એમાં અડધો કપ પાણી ઉમેરીને ઘટ્ટ ખીરું બનાવી લો.
• આ ખીરાને 20 મિનિટ માટે ઢાંકીને મુકી દો.
• એક કડાઇમાં તેલ ગરમ કરવા માટે મુકો.
• 20 મિનિટ પછી ખીરું ખોલો અને પછી બરાબર એક સાઇડ આ ખીરાને હલાવો. ધ્યાન રહે કે ખીરું એક જ સાઇડ હલાવવાનું છે.
• ગરમ તેલમાં ધીરે-ધીરે ચમચીથી અથવા હાથથી ખીરાને મુકો.
• ગોટા તળતી વખતે ગેસ ધીમો રાખવાનો છે. જો તમે ગેસ ફાસ્ટ રાખશો તો બહારથી તળાઇ જશે અને અંદરથી કાચા રહેશે.
• આમ, ગોટા આછા બ્રાઉન રંગના થાય ત્યાં સુધી તળો અને પછી ઝારાની મદદથી તેલમાંથી બહાર કાઢી લો.
• આ તળેલા ગોટાને ટિશ્યુ પેપર પર મુકી દો, જેથી કરીને બધુ તેલ ચુસાઇ જાય અને ગોટા બહુ તેલવાળા લાગે નહિં.
• તો તૈયાર છે ડાકોરના ગોટા.
• આ ગોટાને તમે આંબલીની ચટણી અથવા તો દહીં સાથે ખાઓ છો તો બહુ જ મજા આવે છે. આ ગોટા સ્વાદમાં એકદમ ડાકોર જેવા જ બનશે.