ડિરેક્ટર પ્રશાંત નીલની ‘સાલર’માં સુંદર શ્રિયા રેડ્ડીના લુક અને એક્ટિંગના ફેન્સેએ વખાણ કર્યા

સિનેમાઘરોમાં પહોંચેલી દ્ભય્હ્લના ડિરેક્ટર પ્રશાંત નીલએ ડાયરેક્ટ કરેલી ફિલ્મ ‘સાલર’ને વિવેચકો તરફથી નક્કર પ્રતિસાદ મળ્યો અને ફિલ્મને લોકો તરફથી પણ નક્કર પ્રતિસાદ મળ્યો. ફિલ્મમાં પ્રશાંત નીલે જે રીતે પ્રભાસને રજૂ કર્યો છે તે દર્શકોને ખૂબ જ રસપ્રદ લાગી રહ્યો છે. ફિલ્મનું એક્શન અને વિઝ્‌યુઅલ જબરદસ્ત છે. ‘સાલર’, જે મનોરંજનનું સંપૂર્ણ પેકેજ લઈને આવ્યું છે, તે ૨૦૨૩ના સૌથી મોટા ઓપનિંગ કલેક્શન સાથે ફિલ્મ બની છે. સાલાર ફિલ્મે બોક્સ ઓફિસ પર એક સપ્તાહ પૂર્ણ કરી લીધું અને સાત દિવસમાં કમાણી મામલે રેકોર્ડ તોડી રહી છે.. ડિરેક્ટર પ્રશાંત નીલની ફિલ્મ ‘સાલાર’ માં ખાનસારની અદ્ભુત દુનિયાએ સૌનું ધ્યાન ખેંચ્યું છે.

પ્રભાસ અને પૃથ્વીરાજ વચ્ચેની મિત્રતા અને દુશ્મનીની સ્ટોરીએ પણ ફેન્સને ખૂબ ઈમ્પ્રેસ કર્યા છે. ‘સાલાર’માં પ્રભાસ અને પૃથ્વીરાજના પરફોર્મેન્સ કરતાં વધુ અત્યારે ચર્ચામાં છે તે છે રાધા રમા મન્નાર. જે વરદરાજુ (પૃથ્વીરાજ)ની બહેનના રોલમાં જાેવા મળે છે. રાધા રામા મન્નારનો રોલ કરનાર સુંદર શ્રિયા રેડ્ડી છે. જેમના લુક અને જબરદસ્ત એક્ટિંગના વખાણ બધા કરી રહ્યા છે. એક્ટ્રેસના પાત્રની તુલના બાહુબલીના શિવગામી સાથે કરવામાં આવી રહી છે. પોતાની એક્ટિંગથી બધાનું ધ્યાન ખેંચનારી શ્રિયા રેડ્ડી એક બહુ મોટા ભારતીય ક્રિકેટરની દીકરી છે. ભરત રેડ્ડીએ ભારત માટે ઘણી આંતરરાષ્ટ્રીય મેચ રમી છે. શ્રિયા રેડ્ડી માત્ર ફિલ્મ જ નહીં પરંતુ સ્પોર્ટ્‌સ બેકગ્રાઉન્ડ પણ ધરાવે છે. તમને જણાવી દઈએ કે ભરત રેડ્ડીએ દિનેશ કાર્તિકને પણ ટ્રેનિંગ આપી છે. પરંતુ દીકરીના અભિનય બાદ તે ચર્ચામાં આવી ગયો છે.