ડ્રગ માફિયાની ૬૦ના દસકાની વાર્તા પર બનનારી ફિલ્મમાં યસનો લીડ રોલ ફાઈનલ

પ્રભાસની જેમ જ પાન ઈન્ડિયા સ્ટાર તરીકે ઓળખ મેળવનારા યશની આગામી ફિલ્મ કેજીએફ ૩ની આતુરતાથી રાહ જાેવાઈ રહી છે. આ ફિલ્મની રિલીઝ પહેલા યશને સંખ્યાબંધ નવી ઓફર મળી રહી છે. રિપોર્ટ્‌સ મુજબ, યશની આગામી ફિલ્મ ગોવાના બેકગ્રાઉન્ડ આધારિત હશે. કેજીએફની જેમ જ આ પિરિયડ ડ્રામા છે અને તેમાં ૬૦ના દસકાની સ્ટોરી છે. ગોવાં રશિયન ડ્રગ માફિયાના વર્ચસ્વને અને તેમની સામે ઝીંક લેનારા સ્થાનિક ડ્રગ માફિયાને આ ફિલ્મમાં રજૂ કરાશે સોર્સીસના જણાવ્યા મુજબ, યશને આ ફિલ્મ પસંદ આવી છે. કેજીએફના ડાયરેક્ટર પ્રશાંત નીલ હાલ સાલારના પોસ્ટ પ્રોડક્શનમાં બિઝી છે, જેના કારણે મલયાલમ ફિલ્મોના ડાયરેક્ટર લતા મેનનને ફાઈનલ કરાયા છે.

ફિલ્મોમાં ગોવાના કુદરતી દૃશ્યો અને નાઈટ લાઈફની વાતો થતી રહે છે, પરંતુ ડ્રગ માફિયા અંગે ખાસ ફિલ્મો નથી. આ ફિલ્મમાં રશિયન માફિયા અને તેમના રાજકીય સંબંધોને પણ ઉજાગર કરવામાં આવશે. યશને ફિલ્મનો પ્લોટ ખૂબ પસંદ આવ્યો છે અને ઝડપથી શૂટિંગ શરૂ કરવાની ઈચ્છા છે. યશે ફિલ્મમાં પ્રોડ્યુસર તરીકે પણ યોગદન આપ્યું છે. ફિલ્મનું બજેટ રૂ.૧૦૦ કરોડથી વધુ રાખવામાં આવશે. યશની કેજીએફ ૩નું પ્રોડક્શન હજુ શરૂ થયું નથી. બીજી બાજુ પ્રશાંત નીલને પ્રભાસ સાથેની ફિલ્મ સાલારની ચિંતા સતાવે છે. સાલારનું પોસ્ટ પ્રોડક્શન ત્રણ-ચાર મહિના ચાલી શકે છે. આ તકનો લાભ લઈને યશ ઝડપથી ડ્રગ માફિયા આધારિત ફિલ્મનું શૂટિંગ શરૂ કરાવવા માગે છે.