તંત્ર આળસ ખંખેરતુ નથી, ગૃહમંત્રીને રજૂઆત કરીશ: ધારાસભ્ય શૈલેષ સોટ્ટા

ડભોઇમાં આવેલા ભાજપ કાર્યાલયમાં થયેલા ચોરીના પ્રયાસના બનાવની જાણ ધારાસભ્ય શૈલેષ મહેતા (સોટ્ટા)ને થતાં તુરંત જ તેઓ દોડી ગયા હતા. તે સાથે ડભોઇ પોલીસ પણ બનાવની જાણ થતાં પોલીસ સ્થળ પર દોડી ગઇ હતી અને તસ્કરોનું પગેરું મેળવવા માટે આસપાસમાં લાગેલા સીસીટીવીની ચકાસણી કરી હતી. જાેકે, પોલીસને તસ્કરો અંગેના કોઇ સગડ મળ્યા ન હતા. ધારાસભ્યના કાર્યાલય સહિત બે મકાનોના તાળા તૂટતા ડભોઇ પોલીસ તંત્રના નાઇટ પેટ્રોલિંગ ઉપર સવાલો ઉભા થયા છે.

આ બનાવ બનતા સ્થાનિક લોકોએ જણાવ્યું હતું કે, જાે ધારાસભ્યનું કાર્યાલય પણ તસ્કરોથી સુરક્ષિત ન હોય તો સામાન્ય નાગરિકોની સુરક્ષાની શુ વિસાત? ડભોઇના ભાજપાના ધારાસભ્ય શૈલેષ મહેતા (સોટ્ટા)એ ભાજપા કાર્યાલયમાં થયેલા ચોરીના પ્રયાસના બનાવ અંગે જણાવ્યું હતું કે, ડભોઇ નગર અને તાલુકામાં છેલ્લા કેટલાક સમયથી ચોરીના બનાવોમાં વધારો થયો છે. ચોરીના બનાવો અંગે ફરિયાદો આવતી હતી. આજે મારા ભાજપાના કાર્યાલયના તાળાં તૂટ્યા તે ગંભીર બાબત છે. છેલ્લા કેટલાક સમયથી તસ્કરો ઉત્પાત મચાવી રહ્યા છે. પરંતુ, તંત્ર આળસ ખંખેરતુ નથી. આ અંગે જિલ્લા પોલીસ વડાને રજૂઆત કરવામાં આવી છે.

એથી વધારે આ બનાવ અંગે રાજ્યના ગૃહમંત્રી હર્ષ સંઘવીને પણ રજૂઆત કરીશ. તસ્કરો હવે બાઇકો લઇને આવવાને બદલે મોંઘીદાટ કારોમાં ચોરી કરવા નીકળતા હોય છે. ડભોઇના ભાજપાના ધારાસભ્યના કાર્યાલય સહિત મકાનોમાં ચોરી કરવા નીકળેલી ટોળકી ઇકો કાર લઇને નીકળી હતી. પોલીસ તંત્ર દ્વારા ક્રિષ્ણા સિનેમા ગૃહની બહાર લગાવવામાં આવેલા સીસીટીવીની તપાસ કરી હતી. પરંતુ, તસ્કરો અંગેના કોઇ સગડ મળ્યા નથી. ડભોઇ પોલીસે તસ્કર ટોળકીને ઝડપી પાડવા માટે તપાસ શરૂ કરી દીધી છે.વડોદરા શહેર-જિલ્લામાં બેખોફ બનેલા તસ્કરોએ ગુરૂવારે મોડી રાત્રે ડભોઇના ભાજપાના ધારાસભ્ય શૈલેષ મહેતા (સોટ્ટા)ના ડભોઇ સ્થિત જનસંપર્ક કાર્યાલયના તાળા તોડીને તસ્કરોએ ચોરીનો નિષ્ફળ પ્રયાસ કર્યો હતો. આ બનાવની જાણ થતાં દોડી ગયેલા શૈલેષ સોટ્ટાએ જણાવ્યું હતું કે, તસ્કરોએ ઉત્પાત મચાવ્યો છે.

પરંતુ, તંત્ર હજુ આળસ ખંખેરતુ નથી. જે ગંભીર બાબત છે. આ અંગેની રજૂઆત રાજ્યના ગૃહમંત્રીને કરવામાં આવશે. હતા. નોંધનીય છે કે, કાર્યાલયમાં સીસીટીવી લગાવેલા ન હોવાથી તસ્કરોને શોધવા માટે પોલીસ તંત્ર માટે પડકારરૂપ પુરવાર થશે. વડોદરા શહેર-જિલ્લામાં હાહાકાર મચાવી રહેલા તસ્કરોએ મોડી રાત્રે ડભોઇના ભાજપાના ધારાસભ્ય શૈલેષ મહેતા (સોટ્ટા)ની ડભોઇના મુખ્ય માર્ગ ઉપર ક્રિષ્ણા સિનેમા ગૃહની સામે આયુષ સોસાયટીમાં આવેલા જનસંપર્ક કાર્યલાય સહિત ડભોઇના બે મકાનોને નિશાન બનાવ્યા હતા. ધારાસભ્યના કાર્યાલયમાં ઘૂસી ગયેલા તસ્કરોએ કાર્યાલય સ્થિત તિજાેરી, ઓફિસ ટેબલના તાળા તોડીને તપાસ કરી હતી. પરંતુ, કંઇ મળી ન આવતા તસ્કરોએ તિજાેરી અને ઓફિસ ટેબલમાં પડેલ સાહિત્ય વેરણ-છેરણ કરી ખાલી હાથે ફરાર થઇ ગયા હતા. જાેકે, તસ્કરોએ વિસ્તારના અન્ય બે મકાનોને પણ નિશાન બનાવ્યા હોવાનું જાણવા મળ્યું હતું.