દિલ્હી દારૂ કૌભાંડ કેસમાં વધુ બે આરોપીઓને રાહત, ઈડ્ઢ કેસમાં હાઈકોર્ટે જામીન આપ્યા

હાઈકોર્ટે દિલ્હીમાં દારૂ કૌભાંડ કેસ સાથે સંબંધિત મની લોન્ડરિંગ કેસમાં આરોપી ઉદ્યોગપતિ સમીર મહેન્દ્રુ અને આમ આદમી પાર્ટીના કાર્યકર મનપ્રીત સિંહ રાયતને જામીન આપ્યા છે. જસ્ટિસ નીના બંસલ કૃષ્ણાની કોર્ટે આરોપીને જામીન આપ્યા છે. દિલ્હીના મુખ્યમંત્રી અરવિંદ કેજરીવાલ દારૂ કૌભાંડ કેસમાં હજુ પણ ન્યાયિક કસ્ટડીમાં છે. દારૂના કૌભાંડ સાથે જાેડાયેલા મની લોન્ડરિંગ કેસમાં તેમને જામીન મળ્યા છે, પરંતુ સીબીઆઈ દ્વારા તેમને આરોપી બનાવવામાં આવેલા ભ્રષ્ટાચારના કેસમાં હજુ સુધી જામીન મળ્યા નથી.

ઈડ્ઢએ ૨૮ સપ્ટેમ્બર ૨૦૨૨ના રોજ સમીર મહેન્દ્રુની ધરપકડ કરી હતી. મહેન્દ્રુ પર આબકારી નીતિના કેસમાં નિયમોના ઉલ્લંઘનના મુખ્ય લાભાર્થીઓમાંનો એક હોવાનો આરોપ છે કારણ કે તે માત્ર આલ્કોહોલિક પીણાંનું ઉત્પાદન એકમ ચલાવતો ન હતો પરંતુ તેણે તેના સંબંધીઓના નામે જથ્થાબંધ લાયસન્સ સાથે કેટલાક છૂટક લાયસન્સ પણ આપ્યા હતા, જેઓ નિયમોનું ઉલ્લંઘન થયું હતું. ઈડ્ઢએ ગયા વર્ષે દારૂ કૌભાંડ સાથે સંબંધિત મની લોન્ડરિંગ કેસમાં રાયતની ધરપકડ કરી હતી. જેમના પર ૨૦૨૨ની ગોવા વિધાનસભા ચૂંટણી માટે આમ આદમી પાર્ટીના ચૂંટણી પ્રચાર માટે કથિત રીતે રોકડમાં નાણાંનું સંચાલન કરવાનો આરોપ હતો. રાયતની ધરપકડ બાદ કેસ આગળ વધ્યો અને ૨૧ માર્ચ, ૨૦૨૪ના રોજ ઈડ્ઢએ દિલ્હીના મુખ્યમંત્રી કેજરીવાલની ધરપકડ કરી.

ગયા અઠવાડિયે, સુપ્રીમ કોર્ટે વિજય નાયરને જામીન આપ્યા હતા, જે આમ આદમી પાર્ટીના કોમ્યુનિકેશન ઈન્ચાર્જ હતા. નાયરની દારૂ કૌભાંડ કેસ સંબંધિત મની લોન્ડરિંગના આરોપમાં ધરપકડ કરવામાં આવી હતી. આ પહેલા દિલ્હીના પૂર્વ ડેપ્યુટી સીએમ મનીષ સિસોદિયા અને તત્કાલીન બીઆરએસ નેતા કે કવિતાને પણ જામીન મળ્યા હતા. વિજય નાયરને લગભગ ૨૩ મહિના જેલમાં રહેવું પડ્યું હતું. નાયરની ગણતરી એવા લોકોમાં થાય છે જેમની અગાઉ દારૂના કૌભાંડમાં ધરપકડ કરવામાં આવી હતી. તત્કાલિન મુખ્ય સચિવ નરેશ કુમારના રિપોર્ટ દ્વારા ૮ જુલાઈ, ૨૦૨૨ના રોજ દિલ્હી દારૂ કૌભાંડનો ખુલાસો થયો હતો. આ પછી મામલો ઝ્રમ્ૈં સુધી પહોંચ્યો અને પછી ઈડ્ઢએ પણ તેમાં પ્રવેશ કર્યો. ઝ્રમ્ૈં અને ઈડ્ઢએ દાવો કર્યો છે કે ૨૦૨૧-૨૨ માટે દિલ્હી એક્સાઇઝ પોલિસીમાં સુધારો કરતી વખતે અનિયમિતતાઓ આચરવામાં આવી હતી અને લાઇસન્સ ધારકોને અયોગ્ય લાભો આપવામાં આવ્યા હતા. દિલ્હીની કેજરીવાલ સરકારે ૧૭ નવેમ્બર, ૨૦૨૧ ના ??રોજ નીતિ લાગુ કરી હતી, પરંતુ ભ્રષ્ટાચારના આરોપો વચ્ચે સપ્ટેમ્બર ૨૦૨૨ ના અંતમાં તેને રદ કરી દીધી હતી.