દિવાળીના તહેવારમાં સૂકા મેવાના વેચાણમાં ઘટાડો

માત્ર જથ્થાબંધ જ નહીં, રીટેલ વિક્રેતાઓના વેચાણમાં પણ ઘટાડો નોંધાયો છે. ડ્રાય ફ્રુટ ડીલર રમેશ મોતિઆની જણાવે છે કે, મોંઘવારીને કારણે લોકો વધારે બચત નથી કરી શકતા. પરિણામે તેઓ સૂકા મેવાના સ્થાને અન્ય જરુરની વસ્તુ પર પૈસા ખર્ચ કરવાનું પસંદ કરે છે. દર વર્ષની સરખામણીમાં કોર્પોરેટ ઓર્ડર્સ પણ ઘણાં ઓછા છે. ઉલ્લેખનીય છે કે ગત વર્ષની સરખામણીમાં આ વર્ષે સૂકા મેવાનું વેચાણ વધારે થયંઓ છે, પરંતુ કોરોના મહામારી પહેલાના સમયની સરખામણીમાં તે ચોક્કસપણે ઓછું જ છે. અમદાવાદની એક સૂકા મેવાની દુકાનના માલિક રહીમ સોમાણી જણાવે છે કે, અમારી દુકાન માટે તો આ વર્ષે માંગ સારી રહી છે અને વેપાર ગત વર્ષની સરખામણીમાં સારો થયો છે. છૂટક ગ્રાહકોની સાથે સાથે અમને કોર્પોરેટ સેક્ટરથી પણ ઓર્ડર મળ્યા છે, જેમ કે સેરામિક, રિયલ એસ્ટેટ, ઈન્શ્યોરન્સ વગેરે કંપનીઓ તરફથી ઓર્ડર મળ્યા છે. આ વર્ષે જાે તમે દિવાળીની ગિફ્ટ ખોલો તો શક્ય છે કે તેમાં ડ્રાય ફ્રુટ ભાગ્યે જ જાેવા મળે. સામાન્યપણે દિવાળીમાં જે ગિફ્ટ આપવામાં આવે છે તેમાં ડ્રાય ફ્રુટ્‌સ મૂકવામાં આવ્યા હોય છે. પરંતુ આ વર્ષે કોર્પોરેટ ગિફ્ટનું બજેટ ઓછું થઈ ગયું છે, જેના કારણે માત્ર અમદાવાદ જ નહીં, આખા રાજ્યમાં ડ્રાય ફ્રુટ્‌સની માંગમાં ઘટાડો જાેવા મળ્યો છે. અમદાવાદ શહેરમાં આવેલા માધુપુરા બજારને ડ્રાય ફ્રુટના જથ્થાબંધ વિક્રેતાઓનું હબ માનવામાં આવે છે. અહીંથી બદામ, પિસ્તા, કાજૂ, અખરોટ, દ્વાક્ષ, એપ્રિકોટ વગેરે સૂકા મેવા રાજ્યભરમાં મોકલવામાં આવે છે. સામાન્યપણે દિવાળીના સમયે અહીં ૩૦૦-૪૦૦ ટનનો ટર્નઓવર જાેવા મળતો હોય છે, પરંતુ વિક્રેતાઓના અંદાજ અનુસાર આ વર્ષે ટર્નઓવર ઘટીને ૧૫૦-૨૦૦ ટન થઈ ગયો છે. માધુપુરા બજારના એક જથ્થાબંધના વેપારી નિલય ઉપાધ્યાય જણાવે છે કે, ગત વર્ષની સરખામણી કરીએ તો આ વર્ષે નવરાત્રિ પછી સૂકા મેવાના વેચાણમાં વધારો થયો છે. પરંતુ, એકંદરે આ વેચાણ ઓછું છે. કોર્પોરેટ ક્ષેત્રમાં કર્મચારીઓને સૂકા મેવા ભેટમાં આપવામાં આવતા હોય છે, પરંતુ આ વર્ષે તેમનું બજેટ ઓછું થઈ ગયું છે. પરિણામે, તેમણે ઓર્ડરની સંખ્યા ઘટાડી દીધી છે અથવા તો સૂકા મેવાની માત્રા ઘટાડી દીધી છે. સૂકા મેવાની કિંમતમાં પણ નોંધપાત્ર વધારો નથી થયો. પેટ્રોલ અને ડીઝલની કિંમતમાં વધારો થવાને કારણે ટ્રાન્સપોર્ટેશનના ભાવ વધ્યા છે, જેના કારણે સૂકા મેવાની કિંમતમાં પણ માંડ ૫ ટકા જેટલો વધારો થયો છે. દર વર્ષે જે ભાવવધારો થાય છે તેની સરખામણીમાં આ કંઈ નથી. કાજૂના જથ્થાબંધ ભાવમાં વધારો નોંધાયો છે જ્યારે પિસ્તા અને બદામના ભાવમાં ઘટાડો થયો છે. અખરોટ અને સૂકી દ્વાક્ષના ભાવમાં કોઈ વધઘટ નથી થઈ. સૌથી વધારે ભાવ ડ્રાય બેરીનો છે, કારણકે તેમાં ઈમ્પોર્ટ ડ્યુટી વધારવામાં આવી છે.