નયનતારા અને વિજ્ઞેશના રિસેપ્શનમાં સાઉથ અને બોલિવુડની હાજરી

સાઉથની પોપ્યુલર સ્ટાર નયનતારા અને પ્રોડ્યુસર વિજ્ઞેશ શિવન ૯મી જૂને મેરેજ કરી રહ્યા છે. ત્યારબાદ ૧૦મીએ મહાબલિપુરમ ખાતે ગ્રાન્ડ રિસેપ્શન પ્લાન કરાયું છે. એટલીની ફિલ્મ જવાનમાં શાહરૂખની સાથે નયનતારા પણ લીડ રોલમાં છે. અપકમિંગ ફિલ્મની કો-સ્ટારના રિસેપ્શનમાં શાહરૂખ સહિત અનેક સ્ટાર્સ હાજર રહેશે. નયનતારાના રિસેપ્શનની ઈવેન્ટમાં સાઉથ અને બોલિવૂડની સેલિબ્રિટીઝ એક સાથે જાેવા મળશે. મહાબલિપુરમ ખાતે ૫ સ્ટાર હોટલમાં નયનતારા અને વિજ્ઞેશના મેરેજ થશે અને ત્યારબાદ ૧૦મીએ ગ્રાન્ડ રિસેપ્શન રખાયું છે. સાઉથના ડિરેક્ટર એટલી સાથે શાહરૂખ પહેલી વાર જવાન ફિલ્મમાં કામ કરી રહ્યો છે. આ ફિલ્મમાં નયનતારા પણ છે.

જૂન ૨૦૨૩માં આ ફિલ્મ હિન્દી ઉપરાંત તમિલ, તેલુગુ, મલયાલમ અને કન્નડમાં રિલિઝ થવાની છે. ફિલ્મની ટીમમાં સાઉથ અને હિન્દી ઈન્ડસ્ટ્રીનું કોમ્બિનેશન છે અને નયનતારા પણ તેમાં લીડ રોલમાં છે. તેથી નયનતારાના વેડિંગમાં સાઉથ અને બોલિવૂડ ઈન્ડસ્ટ્રીના મોટાં માથાઓ ભેગા જાેવા મળશે. પાછલા છ વર્ષથી નયનતારા અને વિજ્ઞેશ વચ્ચે રિલેશનશિપ હોવાનું કહેવાય છે. ૨૦૧૬માં વિજ્ઞેશ અને નયનતારાએ નાનુમ રાઉડી ધાન ફિલ્મમાં સાથે કામ કર્યુ હતું. ફિલ્મના સેટ પર જ તેમની લવ સ્ટોરી શરૂ થઈ હતી. ધીમે-ધીમે પબ્લિકલી તેઓ પોતાના રિલેશનશિપ અંગે સંકેતો આપતા હતા. ફિલ્મ સક્સેસ ગયા બાદ નયનતારાને એક ફંક્શનમાં એવોર્ડ એનાઉન્સ થયો હતો. નયનતારાએ વિજ્ઞેશના હાથે જ એવોર્ડ લેવાની ઈચ્છા સ્ટેજ પરથી વ્યક્ત કરી હતી અને વિજ્ઞેશને સ્પેશિયલ વ્યક્તિ ગણાવી હતી. બાદમાં વખતો-વખત બંનેએ એકબીજા પ્રત્યેની લાગણી જાહેરમાં વ્યક્ત કરી હતી. ઈન્ડસ્ટ્રીમાં લાંબા સમયથી તેમના મેરેજની અટકળો ચાલતી હતી અને આખરે થોડા દિવસ પહેલાં જ તેમણે મેરેજ પ્લાન કન્ફર્મ કર્યા હતા.