પંકજ ત્રિપાઠીની આ વર્ષે ૯ ફિલ્મ-વેબ સિરિઝ થશે રિલીઝ

પંકજ ત્રિપાઠી સ્ક્રિન પર આવે એટલે ઓડિયન્સની નજર અટકીને રહી જાય છે. ગેંગ્સ ઓફ વાસેપુરમાં તેમનું પરફોર્મન્સ ક્યારેય ભૂલાયું નથી. મિર્ઝાપુરમાં કાલિન ભૈયાના કેરેક્ટરે પંકજ ત્રિપાઠીના ચાહકોમાં ફરી આકર્ષણ જમાવ્યું છે. હવે ૨૦૨૩ના વર્ષમાં તેમની એક-બે નહીં, પૂરી નવ ફિલ્મ-વેબ સિરિઝ રિલીઝ થવાની છે. પાછલા કેટલાક સમયથી પંકજ ત્રિપાઠી કોઈ ફિલ્મ કે વેબ સિરીઝમાં જાેવા મળ્યા નથી. પરંતુ કાલિન ભૈયાની સ્ક્રિન પર વાપસીનો સમય આવી ગયો છે. તેઓ પોતાના ફેન્સને હસાવવા, રડાવવા અને ડરાવવા માટે અલગ-અલગ કેરેક્ટરમાં આવી રહ્યા છે. તેમની સાત ફિલ્મોનું શૂટિંગ પૂરું થઈ ગયું છે અને આ વર્ષે રિલીઝ થાય તેવી શક્યતા છે. જેમાં ગુલકંદ ટેલ્સ, મિર્ઝાપુર ૩, ઓહ માય ગોડ ૨, ફુકરે ૩, મર્ડર મુબારક, ફાધર અને મેટ્રો ઈનનો સમાવેશ થાય છે. આ ઉપરાંત અટલ અને સ્ત્રી ૨નું શૂટિંગ પણ ચાલી રહ્યું છે. પંકજ ત્રિપાઠી લાંબા સમયથી ફિલ્મ કે વેબ સિરીઝમાં દેખાયા ન હતા, પરંતુ હવે તેઓ નવ ફિલ્મ અને વેબ સિરીઝ સાથે પાછા આવી રહ્યા છે. મિર્ઝાપુર ૩માં તેઓ કાલિન ભૈયાના રોલમાં જાેવા મળશે. આ ઉપરાંત સંજના સાંઘી સાથે તેમની ફિલ્મ ફાધર આવી રહી છે.