પદ્મશ્રી દુલાભાઈ ભાયાભાઈ કાગ ની જન્મ ભૂમિ માં – કાગઉત્સવ ૨૦૨૪

પુજ્ય મોરારીબાપુ ના નિશ્રામાં તા. ૧૩.૦૩.૨૦૨૪ કાગધામ (મજાદર) ખાતે યોજાશે કાગ ઉત્સવ (કાગ ચોથ)પ્રતિવર્ષ પુજ્ય કાગબાપુની જન્મભુમી કાગધામ (મજાદર)  ખાતે કાગબાપુની ૪૭ પુણ્યતિથિ (કાગ ચોથ), ફાગણ સુદ ચોથના દિવસે પુજ્ય મોરારીબાપુની નિશ્રામાં વિવિધ કાર્યક્રમ યોજાય છે. જેમાં “ કાગ ના ફળિયે કાગ ની વાતું “,  કવિ કાગબાપુ એવોર્ડ અર્પણવિધિ અને કચ્છ-કાઠિયાવાડ ગુજરાત ના નામી- અનામી કલાકારો દ્વારા કાગવાણી પ્રસ્તુતિ થાય છે.

ચાલુ વર્ષ પૂજ્ય કાગબાપુની ૪૭ મી પુણ્યતિથિ નિમિતે ઘોષિત થયેલ કાર્યક્રમ મુજબ તા. ૧3.૦૩.૨૦૨૪ ના બપોરે 3 થી સાંજના 6 સુધી પુજ્ય મોરારીબાપુ ના  સાનિધ્યમાં “ કાગ ના ફળિયે કાગ ની વાતું “ વિષય અંતર્ગત શ્રી પ્રવિણભાઇ લહેરી . આ કાર્યક્રમનું સંકલન ચારણી સાહિત્ય ,સંતવાણી અને લોક સાહિત્યના મર્મજ્ઞ ડો. બળવંત જાની સાંભળશે.

રાત્રી ના સાડા આઠ કલાકે કાગ પરિવાર દ્વારા સહુ મહેમાનોનું સ્વાગત થશે. રાત્રે 9 કલાકે પુજ્ય  પ્રેરિત પુ. મોરારીબાપુ ના વરદ હસ્તે  પ્રતિવર્ષ અપાતા કવિ કાગ એવોર્ડની પરંપરામાં આ વર્ષ દિવંગત   સ્વ મનુભાઈ જોધાણી , શ્રી દેવરાજભાઈ ગઢવી,  શ્રી રાજુલ દવે ,  શ્રી લાખશીભાઈ ગઢવી  તથા રાજેસ્થાની સાહિત્યમાં પ્રદાન કરનારને અપાતો એવોર્ડ આ વર્ષ રાજસ્થાન સાહિત્યમાં પ્રદાન કરી રહેલા શ્રી ગિરધરદાન રતનું ( દાસોડી) ને આ વર્ષનાં કવિ કાગ એવોર્ડ અર્પણ થશે. 

એવોર્ડ અર્પણ બાદ પુજ્ય મોરારી બાપુનો પ્રાસંગિક વક્તવ્ય રહેશે. રાત્રી ના દસ કલાકે કાગવાનીની પ્રસ્તુતિ થશે. આ પ્રસંગે પદ્મશ્રી કવિ કાગબાપુ ટ્રસ્ટ  દ્વારા સહુ  ભાવકો ને પધારવા   બાબુભાઈ કાગ દ્વારા નિમંત્રણ પાઠવેલ છે.