પદ્મ વિભૂષણથી સન્માનિત બિરજુ મહારાજને મોરારિબાપુની શ્રદ્ધાંજલિ

જેને આપણે સૌ કથ્થકનૃત્યના પર્યાય ગણીએ છીએ તેવા રાષ્ટ્રના સર્વોચ્ચ નાગરિક સન્માનથી સમાંનીત પદ્મવિભૂષણ શ્રી.પંડિત બિરજુ મહારાજની વિદાયના સમાચાર મળ્યા. એમની સાથે બહુ જુનો નાતો રહ્યો છે. શ્રી. ચિત્રકૂટધામ સાથે એમનો વિશેષ સંબંધ રહ્યો છે. હનુમાન જયંતીનો પ્રસંગ હોય કે અન્ય કોઈ કાર્યક્રમ હોય, જયારે પણ અમે એમને વિનંતી કરી હતી ત્યારે તેઓ તલગાજરડા આવ્યા હતા. નૃત્ય ઉપરાંત ગાયન અને વાદન સાથે પણ તેઓ જોડાયેલા હતા. આવી મહાન વ્યક્તિની વિદાયના સમાચાર મળ્યા છે ત્યારે એમની ચેતનાને પ્રણામ કરું છું અને  એમના નિર્વાણ માટે પ્રાર્થના કરું છું. એમનો અંગત પરિવાર અને બહોળા શિષ્ય પરિવાર તરફ મારી દિલસોજી તેમજ સંવેદના વ્યક્ત કરું છું.