પાનસરની સોસાયટીમાંથી પાંચ જુગારીઓને ૧.૩૧ લાખના મુદ્દામાલ સાથે ઝડપી પાડ્યા

ગાંધીનગર રેન્જ આઈજી અભય ચુડાસમા અને જિલ્લા પોલીસ વડા તરુણ દુગ્ગલની સૂચનાથી એલસીબી પીઆઈ એચપી ઝાલાની ટીમના માણસો કલોલ વિસ્તારમાં પેટ્રોલીંગ કરી રહ્યા હતા. ત્યારે પાનસર રોડ પર આવેલી સોમનાથ નગર સોસાયટી વિભાગ-૨ના રહેણાંક મકાન નંબર-ઈઈ/૧૭માં લતીફ યુસુફમિયાં બહેલીમ જુગારધામ ચલાવતો હોવાની પાક્કી બાતમી મળી હતી. જેનાં પગલે એલસીબીનો કાફલો બાતમીવાળા મકાનના લોખંડનો દરવાજાે ખોલીને અંદર પ્રવેશ્યો હતો. જ્યાં રૂમનો દરવાજાે અંદરથી બંધ હોવાથી એલસીબીએ બારીમાંથી નજર કરતાં રૂમમાં પાંચ ઈસમો ગોળ કુંડાળું વળીને જુગાર રમતાં જાેવા મળ્યા હતા. બાદમાં એલસીબીએ દરવાજાે ખોલાવી જુગારીયાઓને જે-તે સ્થિતિમાં બેસી રહેવાની સૂચના આપી રેઇડની કાર્યવાહી શરૂ કરી હતી.

જેમાં લતીફ યુસુફમિયાં બહેલીમ, ઇમરાન હુસેન ચાંદમહમદ નાગોરી(રહે. સી – ૧૧, આયોજન નગર), અસલમ સદરૂભાઈ કુરેશી (પાનસર કતલખાના નજીક), મહેબૂબખાન અહેમદખાન પઠાણ (રહીમપૂરા, કલોલ) અને મહમદ શરીફ યાસીનભાઈ કુરેશી (રહીમપૂરા, કલોલ)ની ધરપકડ કરી લેવાઇ હતી. ઉપરોક્ત જુગારીયાઓ પાસેથી એલસીબીએ રૂ. ૪૧ હજાર ૪૯૦ રોકડા, ૪ મોબાઇલ ફોન, ૩ ટુ-વ્હીલર મળીને રૂ. ૧ લાખ ૩૧ હજાર ૪૭૦નો મુદ્દામાલ જપ્ત કરી કલોલ શહેર પોલીસ મથકમાં જુગાર ધારા હેઠળ ગુનો દાખલ કરવામાં આવ્યો હતો.કલોલના પાનસર રોડ પર આવેલી સોમનાથ નગર સોસાયટી વિભાગ-૨ માં રહેણાંક મકાનમાં ચાલતા જુગારધામ ઉપર લોકલ ક્રાઇમ બ્રાંચે દરોડો પાડીને પાંચ જુગારીયાઓને રૂ. ૧.૩૧ લાખની મત્તા સાથે ઝડપી લઈ કાનૂની કાર્યવાહી હાથ ધરવામાં આવી છે.