પુણા-સારોલીની ઇદ્ભન્ઁ માર્કેટની મીટર પેટીમાં આગ લાગતાં દોડધામ મચી

સુરતના પુણા-સારોલી નજીકની આરકેએલપી માર્કેટની મીટર પેટીમાં આગ લાગી ગઈ હતી. અચાનક ધુમાડા સાથે આગ ફાટી નીકળતા લોકોમાં અફરા તફરીનો માહોલ જાેવા મળ્યો હતો. આગ લાગ્યા અંગેની જાણ ફાયરબ્રિગેડને થતાં જ ફાયરકાફલો ઘટના સ્થળે દોડી ગયો હતો અને આગ પર કાબૂ મેળવ્યો હતો. જાેકે આગ લાગતા માર્કેટની બિલ્ડીંગમાં ધુમાડો ફેલાઈ જતાં વેપારીઓ અને ગ્રાહકોમાં ભયનો માહોલ જાેવા મળ્યો હતો.

વિક્રમભાઈ (માર્કેટના મેનેજર) એ જણાવ્યું હતું કે, ઘટના લગભગ ૧૨ વાગ્યાની હતી. આરકેએલપી માર્કેટના એ-ટાવરની મીટર પેટીના કેબિનમાંથી ધુમાડો નીકળતા દોડીને ઘટના સ્થળે ગયા હતાં. કંઈ સમજ પડે એ પહેલાં આગ ભડકી ઉઠતા તાત્કાલિક ફાયરને જાણ કરી હતી. ૧૦-૧૫ મિનિટમાં જ ફાયરના જવાનો દોડી આવ્યા હતાં. આગ પર કાબુ મેળવી લીધો હતો. આ દુર્ઘટનામાં લગભગ ૬૦ ઇલેક્ટ્રિક મીટરોને નુકશાન થયું હોય એમ કહી શકાય છે.

આગ પર કાબૂ મેળવનાર ફાયરબ્રિગેડના અધિકારીએ જણાવ્યું હતું કે, મીટર પેટીમાં આગ લાગી હતી. મીટર પેટીમાં નબળા વાયરીંગ અથવા સ્પાર્ક થયા બાદ વાયરો સળગતાં ધુમાડો વધુ પ્રમાણમાં થયો હતો. જાે કે સારી બાબત એ હતી કે આસપાસમાં કાપડનો જથ્થો ન હોવાથી આગ મોટું સ્વરૂપ ધારણ કરી શકે એ પહેલાં જ કાબૂ મેળવી લેવામાં આવ્યો હતો.