પોર્ન સ્ટાર્સને જે સન્માન મળે છે તે દુનિયામાં બીજે ક્યાંય નથી મળતું : કંગના રનૌત

કંગના રનૌતે તેના જૂના નિવેદન પર સ્પષ્ટતા કરી છે જેમાં તેણે અભિનેત્રી ઉર્મિલા માતોંડકરને ‘સોફ્ટ પોર્ન સ્ટાર’ ગણાવી હતી. કંગનાએ એક ઈન્ટરવ્યુમાં કહ્યું હતું કે, “હું કોઈ પણ બાબતને યોગ્ય ઠેરવી રહી નથી. જાે આ અભિનેત્રીઓ આવા શબ્દો (તંદૂરી મુર્ગી, આઈટમ ગર્લ, શીલા કી જવાની)થી કમ્ફર્ટેબલ હોય છે, તો પછી તે કંઈક અભદ્ર છે એવું કેમ જાેવામાં આવે છે. જાે તેઓ આમાં આરામદાયક હોય તો તમે શા માટે તેમને શરમાવા માંગો છો? મને નથી લાગતું કે તેણી (ઉર્મિલા)ને શરમાવવાનો મારો કોઈ ઈરાદો હતો.” કંગનાએ એમ પણ કહ્યું, “તમે મને કહો કે સોફ્ટ પોર્ન અને પોર્ન સ્ટાર વાંધાજનક શબ્દો છે. ના, તે ખોટો શબ્દ નથી. આ માત્ર એક શબ્દ છે જે સમાજમાં સ્વીકારવામાં આવતો નથી. જરા સની લિયોનને પૂછો, પોર્ન સ્ટાર્સને જે આદર આપણા દેશમાં મળે છે તે દુનિયામાં બીજે ક્યાંય નથી મળતો.

કંગનાએ તેના અગાઉના નિવેદનમાં કહ્યું હતું કે, “જે રીતે તે (ઉર્મિલા માતોંડકર) મારા વિશે વાત કરી રહી છે અને મારા પર હુમલો કરી રહી છે કારણ કે હું ટિકિટ માટે ભાજપને મનાવવાનો પ્રયાસ કરી રહી છું. મારા માટે ટિકિટ મેળવવી મુશ્કેલ નથી તે સમજવા માટે વ્યક્તિએ પ્રતિભાશાળી બનવાની જરૂર નથી. ઉર્મિલા સોફ્ટ પોર્ન સ્ટાર છે. તેણી તેના અભિનય માટે જાણીતી નથી, તે શેના માટે જાણીતી છે? સોફ્ટ પોર્ન કરવા માટે. જાે તેને ટિકિટ મળી શકે તો હું કેમ નહીં. વાસ્તવમાં, તે પહેલા ઉર્મિલા કંગના વિરુદ્ધ બોલી હતી, ત્યારબાદ કંગનાનું આ નિવેદન સામે આવ્યું છે. જાે કે કંગનાના વર્ક ફ્રન્ટની વાત કરીએ તો તે આવનારા સમયમાં ‘ઇમરજન્સી’માં જાેવા મળવાની છે. તેણે આ ફિલ્મનું નિર્દેશન પણ કર્યું છે.