પ્રધાનમંત્રી મોદીએ સત્રના અંતિમ દિવસે ૧૭મી લોકસભાને સંબોધિત કરી૫ વર્ષ દેશ માટે સુધારા, પ્રદર્શન અને પરિવર્તનના છે : વડાપ્રધાન મોદી

વડાપ્રધાન નરેન્દ્ર મોદીએ ૧૭મી લોકસભાના છેલ્લા સત્રના અંતિમ દિવસે શનિવારે ગૃહમાં કહ્યું કે, લોકશાહીની મહાન પરંપરામાં આજનો દિવસ એક મહત્વપૂર્ણ દિવસ છે, ૧૭મી લોકસભાએ લોકોની સેવામાં ઘણા ર્નિણયો લીધા છે. દેશ તેમણે એમ પણ કહ્યું કે, આ પાંચ વર્ષ દેશમાં સુધારા, પ્રદર્શન અને પરિવર્તનના હતા. મને આશા છે કે દેશ ૧૭મી લોકસભાને આશીર્વાદ આપતો રહેશે. વર્તમાન લોકસભામાં પોતાના છેલ્લા ભાષણમાં પીએમ નરેન્દ્ર મોદીએ સ્પીકર ઓમ બિરલાની પ્રશંસા કરી હતી. તેમણે કહ્યું કે તમે નિષ્પક્ષતાથી કામ કર્યું.

તે ખૂબ જ દુર્લભ છે કે સુધારણા અને પ્રદર્શન બંને એક સાથે થાય છે અને આપણે આપણી આંખો સમક્ષ પરિવર્તન જાેઈ શકીએ છીએ. ૧૭મી લોકસભા દ્વારા દેશ આનો અનુભવ કરી રહ્યો છે અને હું દૃઢપણે માનું છું કે દેશ વર્તમાન લોકસભાને આશીર્વાદ આપતો રહેશે. પીએમ મોદીએ ઓમ બિરલા વિશે કહ્યું,“તમે હંમેશા હસતા હતા. તમારું સ્મિત ક્યારેય ઝાંખુ પડ્યું નહીં. તમે ઘણા પ્રસંગોએ આ ગૃહને સંતુલિત અને નિષ્પક્ષ રીતે માર્ગદર્શન આપ્યું છે, જેના માટે હું તમારી પ્રશંસા કરું છું. ગુસ્સો અને નિંદાની ઘણી ક્ષણો હતી પરંતુ તમે ધીરજપૂર્વક પરિસ્થિતિને કાબૂમાં લીધી અને ગૃહ ચલાવ્યું, તેમજ અમને માર્ગદર્શન આપ્યું. આ માટે હું તમારો આભાર વ્યક્ત કરું છું. નવી સંસદ ભવન બનાવવાનો ર્નિણય લેવાનો શ્રેય લોકસભા અધ્યક્ષ ઓમ બિરલાને આપતાં તેમણે કહ્યું કે તેના પરિણામે દેશને નવી સંસદ ભવન મળ્યું છે.

ય્-૨૦ સમિટને લઈને વડાપ્રધાન મોદીએ લોકસભામાં કહ્યું કે, ય્-૨૦ સમિટ દરમિયાન દેશના દરેક રાજ્યએ ભારતની ક્ષમતાઓ અને તેના રાજ્યની યોગ્યતાઓને સમગ્ર વિશ્વની સામે રજૂ કરી, જેની અસર આજે પણ દેખાય છે. જી-૨૦ દ્વારા ભારતની લોકતાંત્રિક વ્યવસ્થાને સમગ્ર વિશ્વ સમક્ષ રજૂ કરવામાં આવી હતી. વર્તમાન લોકસભાની ઉત્પાદકતા અંગે પીએમ મોદીએ કહ્યું કે ૧૭મી લોકસભાની કાર્ય ઉત્પાદકતા ૯૭ ટકા હતી. મને પૂરો વિશ્વાસ છે કે અમે તેને ૧૮મી લોકસભામાં આગળ લઈ જઈશું અને ૧૦૦ ટકા ઉત્પાદકતા લાવવાનો સંકલ્પ કરીશું. વર્તમાન કાર્યકાળ દરમિયાન અનેક પરિવર્તનકારી સુધારાઓ થયા છે. ૨૧મી સદીના ભારતનો મજબૂત પાયો આમાં દેખાય છે.

૧૭મી લોકસભામાં જ જમ્મુ અને કાશ્મીરમાંથી અનુચ્છેદ ૩૭૦ હટાવવાનો ઉલ્લેખ કરતા પીએમ મોદીએ કહ્યું કે ગૃહે બંધારણને સંપૂર્ણ રીતે જાહેર કરતી કલમ ૩૭૦ હટાવી દીધી, બંધારણના નિર્માતાઓની આત્મા આપણને આશીર્વાદ આપતી હોવી જાેઈએ. તેમણે એમ પણ કહ્યું કે આગામી ૨૫ વર્ષ આપણા દેશ માટે ખૂબ જ મહત્વપૂર્ણ છે, તે એક સ્વપ્ન, આશા અને સંકલ્પ છે કે દેશ ઇચ્છિત પરિણામો પ્રાપ્ત કરશે. આગામી ૨૫ વર્ષમાં દેશના વિકાસની વાત કરતા વડાપ્રધાન મોદીએ દેશમાં એવો અહેસાસ કરાવ્યો છે કે વિકસિત ભારતનું સપનું ૨૫ વર્ષમાં સાકાર થશે.