પ્રેમમાં પાકિસ્તાન પહોંચનારી માત્ર અંજુ જ નહીં, આ ૩ યુવતીઓએ પણ પાર કરી હતી સરહદ

હાલમાં સીમા હૈદર અને અંજુની લવસ્ટોરી ભારત-પાકિસ્તાનમાં ચર્ચાનો વિષય બની છે. બંને દેશોના સંબંધો ભલે સારા ન હોય, પરંતુ તેમણે તમામ મર્યાદાઓ પાર કરીને તેમનો પ્રેમ મેળવવાનો પૂરો પ્રયાસ કર્યો છે. હવે એક નવી માહિતી સામે આવી છે કે એક મહિનામાં ચાર વિદેશી મહિલાઓએ પાકિસ્તાનમાં જઈને લગ્ન કર્યા છે. કેટલાક ફેસબુક દ્વારા, કેટલાક સ્નેપચેટ દ્વારા અને કેટલાક ટિકટોક દ્વારા પાકિસ્તાની છોકરાઓના પ્રેમમાં પડ્યા. પાકિસ્તાનના એક વરિષ્ઠ પોલીસ અધિકારીનું કહેવું છે કે મેક્સિકોની ૪૯ વર્ષીય રોઝા બુનેર ૧૮ વર્ષના ઈજાઝ અલી સાથે લગ્ન કરવા માટે ૧૭ જૂને પૂરા દસ્તાવેજાે સાથે પાકિસ્તાન પહોંચી હતી. રોઝા અને ઈજાઝ ફેસબુકના માધ્યમથી મિત્રો બન્યા હતા. પ્રેમમાં પડ્યા પછી રોઝા એજાઝ સાથે લગ્ન કરવા પાકિસ્તાન આવી અને તેણે પણ ઈસ્લામ અંગીકાર કર્યો. તેનું નવું નામ આયેશા બીબી છે. આ પછી, ૨૭ જૂને તેણે પરંપરાગત પશ્તુન રીતિ-રિવાજાેમાં ખૂબ ધામધૂમથી ઈજાઝ સાથે લગ્ન કર્યા. લગ્ન બાદ આયેશા બીબી ૧૯ જુલાઈના રોજ મેક્સિકો પરત આવી હતી. વર ઇજાઝે તેની મેટ્રિકની પરીક્ષા આપી છે અને પરિણામ જાહેર થયા પછી તે મેક્સિકો જશે. જાેકે મેરેજ સર્ટિફિકેટ અને અન્ય દસ્તાવેજાે અનુસાર આયેશા બીબીની ઉંમર ૪૯ વર્ષથી વધુ છે.

રાજસ્થાનની રહેવાસી અંજુ ૨૨ જુલાઈએ વિઝા લઈને પાકિસ્તાન પહોંચી અને ૨૯ વર્ષીય નસરુલ્લા સાથે લગ્ન કર્યા. એવું કહેવામાં આવ્યું છે કે તેણે વર્ષ ૨૦૧૯માં ફેસબુક દ્વારા તેની સાથે મિત્રતા પણ કરી હતી. અંજુએ પણ પોતાનો ધર્મ બદલીને ઈસ્લામ ધર્મ અપનાવ્યો. તેનું નવું નામ ફાતિમા છે. પોલીસનું કહેવું છે કે અંજુ ૨૨ જુલાઈના રોજ વાઘા બોર્ડર મારફતે કાયદેસર રીતે પાકિસ્તાન આવી હતી અને તેની પાસે એક મહિના માટે અહીં રહેવા માટે માન્ય વિઝા હતો, પરંતુ જાે તે વધુ સમય રહેવા માંગતી હોય તો તેણે ગૃહ મંત્રાલયને વિનંતી કરવી પડશે. ચિલીની રહેવાસી ૩૬ વર્ષીય નિકોલાને ટિકટોક દ્વારા પાકિસ્તાનના ૨૭ વર્ષીય ઇકરામુલ્લાહ સાથે પ્રેમ થયો હતો. તે પછી તે પાકિસ્તાન આવી ગઈ અને બંનેએ લગ્ન કરી લીધા.

ઇકરામુલ્લાએ આ વર્ષની શરૂઆતમાં રમઝાન દરમિયાન ટિકટોક પર નિકોલા સાથે મિત્રતા કરી હતી, પરંતુ ઇકરામુલ્લાને અંગ્રેજી આવડતું ન હોવાથી ભાષાના કારણે વાતચીતમાં અવરોધ આવ્યો હતો. વાતચીત સમજવા માટે તેણે ગૂગલ ટ્રાન્સલેટરનો ઉપયોગ કર્યો. ઇકરામુલ્લાના જણાવ્યા અનુસાર, નિકોલા સ્થાનિક લોકોને મળીને ખૂબ જ ખુશ છે. ઇકરામુલ્લાનું કહેવું છે કે પાકિસ્તાન આવતા પહેલા નિકોલાને પાકિસ્તાનમાં સુરક્ષાને લઈને શંકા હતી. નિકોલાએ પાકિસ્તાનના વિઝા મેળવવા માટે બે વખત અરજી કરી હતી. પાકિસ્તાની છોકરાના પ્રેમમાં પડનાર ચોથી મહિલા ચીનની છે. પોતાના પ્રેમની શોધમાં પાકિસ્તાન પહોંચી. તેમની લવ સ્ટોરી સ્નેપચેટ પર શરૂ થઈ હતી, ત્યારબાદ તે વિઝા લઈને પાકિસ્તાનના લોઅર ડીર પહોંચી ગઈ હતી. સ્થાનિક લોકોનું કહેવું છે કે મહિલાનું નામ ગાઓ ફેંગ છે અને તેણે ૩ વર્ષ પહેલા સ્નેપચેટ પર પાકિસ્તાની યુવક સાથે મિત્રતા કરી હતી.