ફિલ્મ ‘ધ ઇન્ટર્ન’ની હિંદી રિમેકમાં રિશી કપૂરનું સ્થાન અમિતાભ બચ્ચને લીધું

દીપિકા પદુકોણ અને રિશી કપૂરની ફિલ્મ ‘ધ ઇન્ટર્ન’ ફરી ચર્ચામાં છે. આ ફિલ્મની ઘોષણા ગયા વરસના જાન્યુઆરીમાં જ કરવામાં આવી હતી. ત્યારે દીપિકા અને રિશી કપૂર સાથે સાઇન કરવામાં આવ્યા હતા. આ પછી રિશીનું કેન્સરના કારણે નિધન થયું હતું અને ફિલ્મનું કામ અટકી ગયું હતું.
હવે આ ફિલ્મ ફરી ચર્ચામાં આવી છે. રિશીના અવસાનથી ફિલ્મમાં ખાલી પડેલું સ્થાન અમિતાભ બચ્ચને લીધું છે.
રિશીના નિધન પછી ધ ઇન્ટર્નની હિંદી રિમેક પર લાંબી બ્રેક લાગી ગઇ હતી. મેકર્સ નવી કાસ્ટ માટે વિચાર કરી રહ્યા હતા. તેમને રિશીના સ્થાને પીઢ અભિનેતા અમિતાભ બચ્ચન એ પાત્ર માટે યોગ્ય લાગ્યા હતા. તેથી જ તેમણે અમિતાભને સાઇન કરી લીધા છે અને અભિનેતાની સત્તાવાર રીતે ફિલ્મમાં એન્ટ્રી થઇ ગઇ છે. આ ફિલ્મનું શૂટિંગ જલદી જ શરૂ કરવામાં આવે તેવી શક્યતા છે.
આ ફિલ્મ હોલીવૂડની લોકપ્રય ફિલ્મ ‘ધ ઇન્ટર્ન’ની હિંદી રીમેક હશે, જેમાં એની હૈથવે અને રોબર્ટ ડી નીરોએ મુખ્ય ભૂમિકા ભજવી હતી.