ફુકરે ૩ ફિલ્મે કમાણીમાં ધૂમ મચાવી, ૫ દિવસમાં અડધી સદીનો આંકડો પાર

પુલકિત સમ્રાટ, રિચા ચઢ્ઢા, પંકજ ત્રિપાઠી અને વરુણ શર્માની સુપર કોમેડી ફિલ્મ ફુકરે ૩ બોક્સ ઓફિસ પર ધૂમ મચાવી રહી છે. ફુકરે ૩ ખૂબ જ ઓછા બજેટની ફિલ્મ છે, પરંતુ તે જબરદસ્ત કમાણી કરી રહી છે. ફુકરે ૩એ વીકએન્ડમાં ચાહકોનો ઘણો પ્રેમ મળ્યો, જ્યારે સોમવારે ગાંધી જયંતિની રજા એટલે કે ૨જી ઓક્ટોબરે પણ ઘણો લાભ મળ્યો. ફુકરે ૩ એ તેની રિલીઝના માત્ર ૫ દિવસમાં અડધી સદી વટાવી દીધી છે.

ચાલો જાણીએ કે ફુકરે ૩ એ બોક્સ ઓફિસ પર સોમવારે કયો નંબર મેળવ્યો. ફુકરે ૩ બોક્સ ઓફિસ પર મજબૂત પકડ જાળવી રહી છે. શાહરૂખ ખાનની જવાન અને વિવેક અગ્નિહોત્રીની ફિલ્મ ધ વેક્સીન વોરને પાછળ છોડીને ચાહકો ફુકરે ૩ને ખૂબ પસંદ કરી રહ્યા છે. તેની રિલીઝના પાંચમા દિવસે એટલે કે તેના પહેલા સોમવારે, ‘ફુકરે ૩’ બોક્સ ઓફિસ પર સારી કમાણી કરવામાં સફળ રહી હતી.

પાંચમા દિવસે, ફુકરે ૩ એ ૧૧.૫૦ કરોડ રૂપિયાની બમ્પર કમાણી કરી છે. તેની રિલીઝ પછી, હ્લેાિીઅ ૩ એ અપેક્ષા કરતાં વધુ કમાણી કરી છે. ફુકરે ૩ બોક્સ ઓફિસ પર તોફાન બની હતી અને પહેલા દિવસે ૮.૨૦ કરોડની કમાણી કરી હતી. બીજા દિવસે ફિલ્મની કમાણી ૭.૮૧ કરોડ રૂપિયા હતી. ત્રીજા દિવસે ફુકરે ૩નું કલેક્શન વધ્યું અને ફિલ્મે ૧૧.૬૭ કરોડ રૂપિયાની કમાણી કરી. રવિવારે એટલે કે ચોથા દિવસે, ફુકરે ૩ એ ૧૫.૧૮ કરોડ રૂપિયાનું કલેક્શન કર્યું હતું.

એટલે કે માત્ર ૫ દિવસમાં ફુકરે ૩ એ બોક્સ ઓફિસ પર અડધી સદી ફટકારી. સ્થાનિક બોક્સ ઓફિસ પર બમ્પર કમાણી કરીને, ફુકરે ૩ એ અત્યાર સુધીમાં રૂ. ૫૪.૯૮ કરોડનું કલેક્શન કર્યું છે. એવું માનવામાં આવે છે કે ફુકરે ૩ આ સપ્તાહના અંતે ૧૦૦ કરોડ રૂપિયાની કમાણીનો આંકડો પાર કરી શકે છે. તમને જણાવી દઈએ કે ફુકરે ૩ લોકપ્રિય કોમેડી ફ્રેન્ચાઈઝીનો ત્રીજાે ભાગ છે. અગાઉ રિલીઝ થયેલા બંને પાર્ટ્‌સ પણ ચાહકોને પસંદ આવ્યા હતા. ફુકરે ૩નું નિર્દેશન મૃગદીપ સિંહ લાંબા દ્વારા કરવામાં આવ્યું છે.