ફ્રાન્સમાં દરિયાકાંઠે એક બોટ પલટી જતાં સવાર તમામ લોકો પાણીમાં પડી ગયાબોટ પલટી જતાં ૫૦થી વધુ પાણીમાં પડ્યા, ૧૩ના ડૂબી જવાથી મોત, ઘણાની હાલત ગંભીર

ઉત્તર ફ્રાન્સના દરિયાકાંઠે એક બોટ પલટી જતાં ઓછામાં ઓછા ૧૩ માઈગ્રન્ટ્‌સનાં મોત થયાં છે. આ ઘટનાની જાણકારી ઈંગ્લિશ ચેનલએ આપી હતી, જ્યાં એક ૫૦થી વધુ લોકો સવાર બોટ અચાનક ડૂબી ગઈ અને તમામ લોકો પાણીમાં પડી ગયા હતા. સ્થાનિક અધિકારીઓના જણાવ્યા અનુસાર, આ બોટ બ્રિટન તરફ જઈ રહી હતી ત્યારે તે અચાનક ડૂબી ગઈ, જેના કારણે તમામ લોકો પાણીમાં પડી ગયા. ફ્રેન્ચ મેરીટાઇમ અધિકારીઓએ જણાવ્યું હતું કે બોટનો તળિયું ફાટ્યું હતું, જેના કારણે તે ડૂબી ગઈ હતી. “દુર્ભાગ્યવશ, બોટનો તળિયું ફાટી ગયું હતું,” લે પોર્ટેલના મેયર ઓલિવિયર બાર્બરીને જણાવ્યું હતું. “તેઓએ પુષ્ટિ કરી કે ઓછામાં ઓછા ૧૩ લોકો માર્યા ગયા છે.” તે જ સમયે, બચાવ ટીમે ઘણા લોકોને પાણીમાંથી બચાવ્યા છે, જેમાંથી ઘણાની હાલત ગંભીર હતી. તબીબોની ટીમ તાત્કાલિક ઘટના સ્થળે પહોંચી ઘાયલોની સારવાર કરી હતી. આ વર્ષે ઈંગ્લિશ ચેનલમાં માઈગ્રન્ટ્‌સના મૃત્યુની સંખ્યા વધી રહી છે.

ઇન્ટરનેશનલ ઓર્ગેનાઇઝેશન ફોર માઇગ્રેશન અનુસાર, આ વર્ષે બ્રિટન પહોંચવાના પ્રયાસમાં ઓછામાં ઓછા ૩૦ માઇગ્રન્ટ્‌સ મૃત્યુ પામ્યા છે અથવા ગુમ થયા છે. આ ઘટનાને આ વર્ષની ઈંગ્લિશ ચેનલમાં સૌથી ઘાતક સ્થળાંતર અકસ્માત માનવામાં આવે છે. ફ્રાન્સના ગૃહમંત્રી ગેરાલ્ડ ડારમાનિને આ ઘટનાને ભયાનક ગણાવી છે. ગયા અઠવાડિયે, ફ્રાન્સના પ્રમુખ ઇમેન્યુઅલ મેક્રોન અને બ્રિટિશ વડા પ્રધાન કીર સ્ટારમેરે સ્થળાંતરીત દાણચોરીના માર્ગોને દૂર કરવા માટે સહકાર વધારવાની ચર્ચા કરી હતી. તમને જણાવી દઈએ કે અંગ્રેજી ચેનલ એક જળમાર્ગ છે. એવું માનવામાં આવે છે કે આ ચેનલ દ્વારા નાની બોટમાં મુસાફરી કરવી જાેખમી બની જાય છે. આ વર્ષે, એકલા છેલ્લા સાત દિવસમાં ૨,૧૦૯ સ્થળાંતરકારોએ નાની હોડીઓ દ્વારા ચેનલ પાર કરવાનો પ્રયાસ કર્યો છે. તમને જણાવી દઈએ કે આ ઘટના સ્થળાંતર સંકટની ગંભીરતા દર્શાવે છે, જે માત્ર ફ્રાન્સ અને બ્રિટન સુધી મર્યાદિત નથી, પરંતુ સમગ્ર યુરોપમાં એક મોટી સમસ્યા બની ગઈ છે.