બંધ પડેલા હૃદયના પ્રાથમિક ઉપચાર માટે ભાવનગરમાં ભાજપ કાર્યકર્તાઓ તાલીમ મેળવશે

બંધ પડેલા હૃદયના આપાતકાલીન પ્રાથમિક ઉપચાર માટે ભાવનગરમાં ભાજપ કાર્યકર્તાઓ તાલીમ મેળવશે. ભાવનગર ખાતે રવિવારે યોજાનાર સી.આર.પી. તાલીમ અભિયાન. બંધ પડેલા હૃદયના આપાતકાલીન પ્રાથમિક ઉપચાર માટે ભાવનગરમાં ભાજપ કાર્યકર્તાઓ તાલીમ મેળવશે. ભાવનગર ખાતે રવિવારે આ માટે સી.આર.પી. તાલીમ અભિયાન યોજાનાર છે.

પ્રદેશ ભાજપ દ્વારા સામાજિક પ્રવૃત્તિના ભાગ રૂપે ભાવનગર જિલ્લા ભાજપ અધ્યક્ષ શ્રી રાઘવજી મકવાણાની ઉપસ્થિતિમાં ભાવનગર મેડિકલ કોલેજ ખાતે બંધ પડેલા હૃદયના આપાતકાલીન પ્રાથમિક ઉપચાર તાલીમ અભિયાન પ્રારંભ થશે. રવિવાર તા.૨ સવારે ૯ કલાકે જિલ્લા ભાજપના હોદ્દેદારોની ઉપસ્થિતિમાં તબક્કા વાર જુદા જુદા તાલુકા વિસ્તારના ભાજપ કાર્યકર્તાઓ આ સી.પી.આર. તાલીમ લેનાર છે. જિલ્લામાં આ તાલીમના સંયોજક શ્રી ભરતભાઈ મેરના જણાવ્યા અનુસાર આ તાલીમ દ્વારા કાર્યકર્તાઓ કોઈપણ વ્યક્તિના આકસ્મિક રીતે બંધ પડેલા હ્રદયમાં કૃત્રિમ શ્વાસોચ્છવાસ માટે પ્રાથમિક સેવા કરી શકશે.