બહારપરા વિસ્તારમાં આવેલ સરકારી પ્રાથમિક શાળામાં સ્કુલ બસ શરૂ કરવાની માંગ કરતા મનીષ ભંડેરી

અમરેલી બહારપરા વિસ્તારમાં આવેલ અમરેલી નગરપાલિકા દ્રારા સંચાલિત સરકારી કુમાર/કન્યા પ્રાથમિક શાળામાં છેલ્લા ઘણા સમયથી અભ્યાસ કરતા ગરીબ બાળકોને ઘરે થી સ્કુલ સુધી લેવા તથા મુકવા માટે કોંગ્રેસ શાસિત નગરપાલિકા દ્રારા શરૂ કરવામાં આવેલ હતી. જે બસ આ ભાજપ શાસિત અમરેલી નગરપાલિકાએ બંધ કરી દીધેલ છે, જેનાથી બહારપરા,સા.કુંડલા બાયપાસ રોડ, વેલનાથપરા, ગુજકોમાસોલ, ડો.આંબેડકરનગર, લીલાનગર જેવા અતિ પછાત વિસ્તારમાંથી મજુરી કરતા લોકોના બાળકો આ સરકારી પ્રાથમિક શાળામાં અભ્યાસ કરી રહયા છે, આ ઓજી વિસ્તાર હોય અને સા.કુંડલા સ્ટેટ હાઈવે લાગતો હોય તથા રેલ્વે ક્રોસિંગ આવતું હોય જેના લીધે ગરીબ બાળકોને ચાલીને સ્કુલે આવવામાં અકસ્માત થવાની સંભાવના રહેલી હોવાથી તાત્કાલીક આ ભાજપ શાસિત અમરેલી નગરપાલિકા ગરીબ વિદ્યાર્થીઓ તથા વાલીઓનું હિત ધ્યાને લઈ સ્કુલ બસ વહેલીતકે શરૂ કરવાની માંગ અમરેલી તાલુકા કોંગ્રેસના પ્રમુખ મનીષ ભંડેરીએ કરી છે.