બાળકો ખાવામાં બહુ નખરા કરે છે? તો ટેસ્ટ કરાવો આ ‘ચીઝ પરોઠા’

આજના આ સમયમાં બાળકોને ખાવાના અનેક નંખરા હોય છે. આ ભાવે અને આ ના ભાવે…જો કે આ બધી વાત પેરેન્ટ્સ માટે કંટાળજનક હોય છે કે રોજ ખાવામાં શું બનાવવું…આમ, જો તમે પણ આ મુંઝવણમાં છો તો અમે તમારી માટે લઇને આવ્યા છીએ એક મસ્ત રેસિપી..આ વાનગી તમારા બાળકો હોંશે-હોંશે ખાશે અને જરા પણ ભૂખ્યા રહેશે નહિં. તો જાણી લો ઘરે હેલ્ધી ચીઝ પરાઠા કેવી રીતે બનાવશો..

સામગ્રી

1 કપ ઘઉંનો લોટ

લાલ મરચું

ઘી

સ્વાદાનુંસાર મીઠુ

ઝીણી સમારેલી કોથમીર

ચીઝ

બનાવવાની રીત

• ચીઝ પરાઠા બનાવવા માટે સૌ પ્રથમ લોટ બાંધવાની તૈયારી કરો. લોટ બાંધવા માટે ઘઉંનો લોટ લો.
• ત્યારબાદ આ ઘઉંના લોટમાં મીઠું મિક્સ કરો.
• હવે પરોઠા જેવો લોટ બાંધો.
• આ લોઠને મસળો વધારે જેથી કરીને પરોઠા સોફ્ટ બને.
• હવે આ લોટને 20 મિનિટ માટે કપડાંથી ઢાંકીને એકબાજુમાં મુકી દો.
• લોટ બંધાઇ જાય પછી સ્ટફિંગ બનાવવા માટે એક બાઉલમાં ચીઝ લઇ લો અને પછી લીલા મરચાને ઝીણાં સમારી લો.
• ત્યારબાદ લસણ ક્રશ કરી લો.
• હવે ઝીણી સમારેલી કોથમીરને એક બાઉલમાં લઇ લો.
• આમ, ઉપર જણાવ્યા મુજબ બધી જ સામગ્રી એક બાઉલમાં લઇને સરખી રીતે મિક્સ કરી લો.
• હવે લોટ લો અને એમાંથી ગુલ્લા વાળીને એક નાનો બોલ રોલ આઉટ કરો.
• ત્યારબાદ એમાં ચીઝનું મિશ્રણ ઉમેરીને બરાબર ફોલ્ડ કરી લો.
• ફોલ્ડ કર્યા બાદ આંગળીઓની મદદથી કિનારીઓને સીલ કરો અને પછી પરોઠા વણો.
• તવી ગરમ થઇ જાય એટલે પરોઠાને ધીમી આંચ પર થવા દો અન પછી બ સાઇડ ઘીથી શેકી લો.

તો તૈયાર છે ચીઝ પરોઠા.