બોલિવુડ એક્ટ્રેસ તૃપ્તિ ડિમરીના અચાનક ફોલોઅર્સ વધી ગયા

એનિમલ ફિલ્મમાં રણબીર કપૂર સિવાય રશ્મિકા મંદાના અને તૃપ્તિ ડિમરી પણ લીડ રોલમાં છે. ‘એનિમલ’થી તૃપ્તિ ડિમરીની પોપ્યુલારિટી એટલી વધી ગઈ છે કે થોડા જ દિવસોમાં ઈન્સ્ટાગ્રામ પર એક્ટ્રેસના ફોલોઅર્સની સંખ્યામાં વધારો થઈ ગયો છે. છેલ્લા ચાર અઠવાડિયામાં તૃપ્તિ ડિમરીએ તેના ઈન્સ્ટાગ્રામ ફોલોઅર્સની સંખ્યામાં લાખોનો વધારો કર્યો છે..

એનિમલની રિલીઝના એક મહિના પહેલા તૃપ્તિના ઈન્સ્ટાગ્રામ પર માત્ર ૬૦૦,૦૦૦ ફોલોઅર્સ હતા, તે હવે ૩ મિલિયન ફોલોઅર્સ થઇ ગયા છે. ફેન્સ તૃપ્તિ ડિમરીના કામની પ્રશંસા કરી રહ્યા છે. ફેન્સ તૃપ્તિ ડિમરી અને રણબીર કપૂરની જાેડીને પણ ખૂબ પસંદ કરી રહ્યા છે. આ પહેલા તૃપ્તિ ડિમરીએ બુલબુલ અને કલા ફિલ્મમાં કામ કર્યું હતું. ‘એનિમલ’ ફિલ્મ પછી તૃપ્તિ ડિમરી એક્ટર વિકી કૌશલ અને રાજકુમાર રાવ સાથે સ્ક્રીન શેર કરશે.