‘બ્રહ્માસ્ત્ર’એ ‘ધ કાશ્મીર ફાઈલ્સ’ને પાછળ છોડી દેતા વિવેક અગ્નિહોત્રી ભડક્યો

‘બ્રહ્માસ્ત્ર’ બોક્સ ઓફિસ પર હિટ ફિલ્મોની એક નવી ક્રાંતિ લઈને આવી છે. આલિયા ભટ્ટ અને રણબીર કપૂરની ફિલ્મે રીલિઝ થવાની સાથે જ ધમાલ મચાવી દીધી છે. ફિલ્મ જોરદાર કમાણી કરતા બોક્સ ઓફિસ પર ઘણા રેકોર્ડ્સ તોડી રહી છે. ‘બ્રહ્માસ્ત્ર’ના બોક્સ ઓફિસ કલેક્શન પર હવે ‘ધ કાશ્મીર ફાઈલ્સ’ના ડિરેક્ટર વિવેક અગ્નિહોત્રીએ રિએક્ટ કર્યું છે.

‘બ્રહ્માસ્ત્ર’ આ વર્ષની બીજા નંબરની સૌથી વધુ કમાણી કરનાર ફિલ્મ બની ગઈ છે. ‘બ્રહ્માસ્ત્ર’થી પહેલા વિવેક અગ્નિનહોત્રીની ‘ધ કાશ્મીર ફાઈલ્સ’ સૌથી વધુ કમાણી કરનારી ફિલ્મ હતી. પરંતુ હવે ‘બ્રહ્માસ્ત્ર’ પોતાના શાનદાર કલેક્શનથી ‘ધ કાશ્મીર ફાઈલ્સ’ને પાછળ છોડી આગળ વધી ગઈ છે. ‘બ્રહ્માસ્ત્ર’એ 200 કરોડના ક્લબમાં સામેલ થઈને ‘ધ કાશ્મીર ફાઈલ્સ’ને પાછળ છોડી દીધી છે. જેના પર હવે ફિલ્મના ડિરેક્ટર વિવેક અગ્નિહોત્રીએ રિએક્ટ કર્યું છે.

વિવેક અગ્નિહોત્રીએ એવા ઘણા બધા મીડિયા રિપોર્ટ્સના સ્ક્રીનશોટ શેર કર્યા છે, જેમાં બોક્સ ઓફિસના આંકડાના હિસાબે કહેવામાં આવ્યું છે કે ‘બ્રહ્માસ્ત્ર’એ ‘ધ કાશ્મીર ફાઈલ્સ’ને પાછળ છોડી દીધી છે. વિવેક અગ્નિહોત્રીએ આ સ્ક્રીનશોટ શેર કરતા પોતાના ટ્વીટમાં લખ્યું છે કે- હાહાહા… મને ખબર ન હતી કે તેમણે ‘ધ કાશ્મીર ફાઈલ્સ’ને સ્ટીક્સ, રોડ્સ, હોકી અથવા તો એકે47 થી કેવી રીતે પછાડી છે…અથવા તો પેડ પીઆર અને ઈન્ફ્લુએન્સર દ્વારા.

વિવેક અગ્નિહોત્રીએ લખ્યું છે- બોલિવુડ ફિલ્મોને એક સાથે કમ્પીટ કરવા દો. અમને એકલા મૂકી દો. હું આ રેસનો ભાગ નથી. આભાર. ‘બ્રહ્માસ્ત્ર’ના બોક્સ ઓફિસ કલેક્શન પર વિવેક અગ્નિહોત્રીએ પોતાના વિચારો શેર કરી દીધા છે. પરંતુ હકીકત એ છે કે આલિયા અને રણબીરની ફિલ્મ માત્ર દેશમાં જ નહીં પરંતુ વિદેશમાં પણ પોતાનો જલવો દેખાડી રહી છે. ‘બ્રહ્માસ્ત્ર’એ 200 કરોડનો આંકડો પાર કરી લીધો છે.

રિપોર્ટ્સ છે કે, રણબીરની ફિલ્મે રવિવારે ભારતમાં 16.03 કરોડ રૂપિયાની કમાણી કરી છે. આ સાથે જ ફિલ્મે 10 દિવસમાં 215.50 કરોડ રૂપિયાનું કલેક્શન કરી દીધું છે. ‘બ્રહ્માસ્ત્ર’ને રીલિઝ થયાને 2 અઠવાડિયા થઈ ગયા છે અને ફિલ્મ હજુ પણ સારી કમાણી કરી રહી છે. ફિલ્મનો ખુમાર લોકોના માથે ચઢીને બોલી રહ્યો છે.