ભારતમાં પ્રથમ વખત પાયલટલેસ ફાઈટર એરક્રાફટનું સફળ પરીક્ષણ

માનવરહિત ફાઈટર એરક્રાફ્ટના વિકાસમાં ભારતને એક મોટી સફળતા મળી છે. ડીઆરડીઓએ શુક્રવારના ઓટોનોમસ ફ્લાઈંગ વિંગ ટેક્નોલોજી ડેમોન્સટ્રેટરના પ્રથમ એરક્રાફ્ટનું સફળતાપૂર્વક પરીક્ષણ કરવામાં આવ્યું છે. આ એરક્રાફ્ટની ખાસિયત એ છે કે તે પાયલટ વિના ઉડાન ભરી શકે છે. ટેકઓફથી લઇને લેન્ડિંગ સુધીનું આખું કામ કોઈની મદદ વગર પૂર્ણ કરી શકે છે. ડીઆરડીઓએ એક નિવેદનમાં જણાવ્યું કે, આ પરીક્ષણ શુક્રવારના કર્ણાટકના ચિત્રદુર્ગ સ્થિત એરોનોટિકલ ટેસ્ટ રેન્જમાં સફળતાપૂર્વક કરવામાં આવ્યું છે. માનવરહિત હવાઈ વાહન એટલે કે અનમેન્ડ એરિયલ વ્હીકલ (યુએવી)નો ઓટોનોમસ ફ્લાઇંગ વિંગ ટેક્નોલોજી ડેમોન્સટ્રેટર કહેવામાં આવે છે. ત્યારે રક્ષા મંત્રાલયે કહ્યું કે વિમાન સંપૂર્ણ રીતથી ઓટોનોમસ મોડથી સંચાલિત થયું હતું. એરક્રાફ્ટે એક સફળ ઉડાન ભરી જેમાં ટેક-ઓફ, વે પોઈન્ટ નેવિગેશન અને સ્મૂધ ટચડાઉન સામેલ છે.

આ ફ્લાઇટ ભવિષ્યના માનવરહિત એરક્રાફ્ટના વિકાસ માટે નિર્ણાયક તકનીકો સાબિત કરવાના સંદર્ભમાં એક મુખ્ય સીમાચિહ્નરૂપ છે અને આવી વ્યૂહાત્મક સંરક્ષણ તકનીકોમાં આર્ત્મનિભરતા તરફનું મહત્વપૂર્ણ પગલું છે. ડીઆરડીઓએ જણાવ્યું કે, એરક્રાફ્ટે સફળતાપૂર્વક ઉડાન ભરી. આ પરીક્ષણ જાતે જ પૂર્ણ કર્યું. વ્યૂહાત્મક સંરક્ષણ તકનીકોમાં આર્ત્મનિભરતા તરફ આ એક મહત્વપૂર્ણ પગલું છે. એરક્રાફ્ટને એરોનોટિકલ ડેવલપમેન્ટ એસ્ટાબ્લિશમેન્ટ (છડ્ઢઈ), બેંગલુરુ દ્વારા ડિઝાઇન અને વિકસિત કરવામાં આવ્યું છે, જે ડ્ઢઇર્ડ્ઢંની અગ્રણી સંશોધન પ્રયોગશાળા છે. રક્ષા મંત્રી રાજનાથ સિંહે ડ્ઢઇર્ડ્ઢંને અભિનંદન પાઠવ્યા છે અને કહ્યું છે કે તે સ્વાયત્ત એરક્રાફ્ટ માટે એક મોટી સિદ્ધિ છે અને મહત્વપૂર્ણ લશ્કરી પ્રણાલીઓની દ્રષ્ટિએ ‘આર્ત્મનિભર ભારત’ માટે માર્ગ મોકળો કરશે.