ભારતીય વાયુસેનાએ ઈસ્ટર્ન ફ્રન્ટ વિસ્તારમાં ઉડતા બલૂનને મારવા માટે રાફેલ ફાઈટર એરક્રાફ્ટનો ઉપયોગ કર્યો

ભારતીય વાયુસેનાએ ઈસ્ટર્ન ફ્રન્ટ પર ૫૫,૦૦૦ ફૂટથી વધુની ઊંચાઈએ ઉડતા ચીન જેવા જાસૂસી બલૂનને તોડી પાડ્યું છે. હાલમાં જ સેના દ્વારા આ ઓપરેશન હાથ ધરવામાં આવ્યું હતું, પરંતુ હવે માહિતી સામે આવી છે. સૂત્રોનું માનીએ તો ભારતીય વાયુસેના દ્વારા તોડી પાડવામાં આવેલા બલૂનનું કદ ગયા વર્ષે યુએસ એરફોર્સ દ્વારા મારવામાં આવેલા જાસૂસી બલૂન કરતા નાનું હતું.

ગયા વર્ષે, યુએસ એરફોર્સે ચાઇનીઝ જાસૂસી બલૂનને મારવા માટે હ્લ-૨૨ રેપ્ટર ફાઇટર જેટનો ઉપયોગ કર્યો હતો. ૨૦૨૩ની શરૂઆતમાં, યુએસ એરફોર્સે તેના હ્લ-૨૨ રેપ્ટર એરક્રાફ્ટ વડે દક્ષિણ કેરોલિનાના દરિયાકાંઠે ચીનના જાસૂસ બલૂનને તોડી પાડ્યું હતું. પ્રારંભિક તપાસમાં સામે આવ્યું છે કે અમેરિકા ઉપર ઉડતો બલૂન ચીનનો હતો અને તેમાં હાઈ રિઝોલ્યુશન કેમેરા લગાવવામાં આવ્યા હતા. જાે કે ચીને અમેરિકાના દાવાને ફગાવી દીધો હતો.

ભારતીય વાયુસેનાએ જે બલૂનને તોડી પાડ્યું હતું, તે આંદામાન અને નિકોબાર દ્વીપસમૂહ વિસ્તારમાં ઉડી રહ્યું હતું. એવું માનવામાં આવે છે કે બલૂનનો ઉપયોગ મોટા વિસ્તાર પર નજર રાખવા માટે કરવામાં આવે છે. એવી પણ ચર્ચા છે કે ચીની જાસૂસી બલૂનમાં સ્ટીયરિંગ મિકેનિઝમ હોય છે જેનો ઉપયોગ તેઓ તેમના રસના ક્ષેત્રો પર નજર રાખવા માટે કરે છે. ભારતીય વાયુસેનાએ રાફેલ ફાઈટર જેટનો ઉપયોગ કરીને ઈસ્ટર્ન એર કમાન્ડ વિસ્તારમાં ઉડતા બલૂનને નીચે પાડીને પોતાની ક્ષમતા સાબિત કરી છે.

આ ઓપરેશન સરળ નહોતું કારણ કે બલૂન ૫૫૦૦૦ ફૂટથી વધુની ઉંચાઈ પર ઉડી રહ્યો હતો. વાયુસેનાનો આ પ્રયાસ ભારતની ક્ષમતા દર્શાવે છે, જેમ કે ચીનના જાસૂસી બલૂન સામે અમેરિકાના અગાઉના પ્રયાસોને દર્શાવે છે. ચાઈનીઝ બલૂનને પાડી દીધા બાદ અમેરિકા અને ચીન વચ્ચે મોટા પાયે હવાઈ દેખરેખના કાર્યક્રમોને લઈને આક્ષેપો અને વળતા આક્ષેપો થયા હતા. અમેરિકાના કડક વલણ બાદ ચીને પણ એક ખુલાસો કર્યો હતો જેમાં તેણે કહ્યું હતું કે અમેરિકાની ઉપરથી ઉડતો બલૂન જાસૂસી માટે નહોતો અને ભૂલથી અમેરિકન એરસ્પેસમાં ઘુસી ગયો હતો. બલૂનને સંશોધન હેતુ માટે છોડવામાં આવ્યું હતું અને હવામાનને કારણે અમેરિકા ઉપર ગયું હતું.