‘ભારત જાેડો યાત્રા’માં રાહુલ ગાંધી સાથે પૂજા ભટ્ટ જાેવા મળી,વીડિયો થયો વાયરલ

કોંગ્રેસ નેતા રાહુલ ગાંધીની ‘ભારત જાેડો યાત્રા’નો ૫૬મો દિવસ સવારે તેલંગાણાના હૈદરાબાદ શહેરથી શરૂ થયો હતો. બોલિવૂડ અભિનેત્રી અને ફિલ્મ નિર્દેશક પૂજા ભટ્ટ આ યાત્રામાં રાહુલ ગાંધી સાથે જાેવા મળી હતી. આ દરમિયાન પૂજા ભટ્ટ રાહુલ ગાંધી સાથે ચાલતી જાેવા મળી હતી. પૂજા ભટ્ટનો રાહુલ ગાંધી સાથે ભારત જાેડો યાત્રામાં જાેડાવાનો વીડિયો સોશિયલ મીડિયા પર ઝડપથી વાયરલ થઈ રહ્યો છે. વીડિયોમાં પૂજા ભટ્ટ રાહુલ ગાંધી સાથે વૉકિંગ કરતી જાેવા મળી રહી છે. તમને જણાવી દઈએ કે પૂજા ભટ્ટ બોલિવૂડની પહેલી અભિનેત્રી છે જે ‘ભારત જાેડો યાત્રા’માં સામેલ થઈ છે. પૂજા ભટ્ટે પણ ટ્‌વીટ દ્વારા માહિતી આપી છે કે તે આ સફરમાં ૧૦.૫ કિમી ચાલી છે. એ.એન.આઈ દ્વારા ટ્‌વીટ કરાયેલા વીડિયોમાં પૂજા ભટ્ટ ભારત જાેડો યાત્રામાં સામેલ થતી જાેઈ શકાય છે. આ સાથે તેણે યાત્રામાં સામેલ થતા જ રાહુલ ગાંધી સાથે હાથ મિલાવ્યો હતો.

વીડિયોમાં બંનેને વાતચીત કરી રહ્યા હોય તે જાેઈ શકાય છે. તમને જણાવી દઈએ કે પૂજા ભટ્ટ બોલિવૂડના એ મોટા નામોમાંથી એક છે, જેણે ભારત જાેડો યાત્રાનું સમર્થન કર્યું છે. આ પહેલા સ્વરા ભાસ્કરે રાહુલ ગાંધી અને યાત્રાના વખાણ કર્યા હતા. સ્વરાએ ટ્‌વીટ કર્યું, “ચૂંટણીની હાર, ટ્રોલિંગ, વ્યક્તિગત હુમલા અને સતત ટીકાની બિનઅસરકારકતા હોવા છતાં, રાહુલ ગાંધી ન તો સાંપ્રદાયિક વિવાદની આગળ ઝૂક્યા છે અને ન તો સનસનીખેજ રાજનીતિની આગળ. આ દેશની હાલત જાેતા ભારત જાેડો યાત્રા જેવા પ્રયાસો સરાહનીય છે! તેલંગાણામાં ભારત જાેડો યાત્રામાં ભૂતપૂર્વ ભારતીય ક્રિકેટ કેપ્ટન અને તેલંગાણા પીસીસીના કાર્યકારી પ્રમુખો પૈકીના એક, મોહમ્મદ અઝહરુદ્દીન, રેલીમાં હાજરી આપતા સ્ટાર પાવર જાેવા મળ્યો હતો.

સાઉથની અભિનેત્રી પૂનમ કૌર પણ ભારત જાેડો યાત્રામાં જાેડાઈ હતી અને તે પણ રાહુલ ગાંધી સાથે ચાલી હતી. એ વાત જાણીતી છે કે યાત્રામાં સામેલ થતા પહેલા જ જ્યારે રાહુલ ગાંધીએ ૭ સપ્ટેમ્બરે ભારત જાેડો યાત્રા શરૂ કરી હતી ત્યારે પૂજા ભટ્ટે કોંગ્રેસની ‘ભારત જાેડો યાત્રા’ વિશે ટિ્‌વટ કર્યું હતું. કોંગ્રેસ નેતા રાહુલ ગાંધીના નેતૃત્વમાં ૭ સપ્ટેમ્બરે તમિલનાડુના કન્યાકુમારીથી યાત્રા શરૂ થઈ હતી.