ભાવનગરના હાથબ ગામે તા.૨૫મી ઓક્ટોબરના રોજ ‘સેવા સેતુ’નો કાર્યક્રમ યોજાશે

ભાવનગર તાલુકાના હાથબ ગામે મદદનીશ કલેકટરશ્રી, ભાવનગરનાં અધ્યક્ષ સ્થાને તા.૨૫મી ઓક્ટોબર,૨૦૨૪ને શુક્રવારના રોજ સવારે ૯:૦૦ કલાકે પ્રાથમિક શાળા ખાતે તાલુકા કક્ષાનો “સેવા સેતુ”નો કાર્યક્રમ યોજાશે.આ કાર્યક્રમમાં હાથબ, ખડસલીયા, આલાપર, ભડભડીયા, લાખણકા, ગુંદી, થળસર,થોરડી, પીંથલપુર,વાવડી,માલણકા,ભુતેશ્વર, નવા રતનપર,કોળીયાક,સુરકા,રામપર, ભુંભલી  અને  જુના રતનપર ગામોનાં લોકો આ કાર્યક્રમમાં આવક, જાતિ, નોન ક્રીમીલેઅર, ડોમીશીયલ  પ્રમાણપત્રો, રેશનકાર્ડમાં (નામ ઉમેરવા, નામ કમી કરવા અને રેશનકાર્ડમાં સુધારા કરવા), આધારકાર્ડ, મા અમૃતમ યોજના, વાત્સલ્ય કાર્ડમાં નામોની નોંઘણી, રાજય સરકારના કૃષિ, પશુપાલન, સહકાર, ગ્રામ વિકાસ, પંચાયત, સમાજ કલ્યાણ, ઇ-કેવાયસી અને આદિજાતી વિભાગની યોજનાઓ હેઠળનાં વ્યકતિલક્ષી લાભો, સિનીયર સીટીઝનનાં પ્રમાણપત્રો, દિવ્યાગતાં પ્રમાણપત્રો, સ્કોલરશીપ યોજનાના લાભો, જમીન માપણી અને નવી નોંધ દાખલ કરવાને લગતી તમામ અરજીઓ અંગે સેવા મેળવી શકશે.સેવા સેતુ કાર્યક્રમમાં જે લોકો લાભ લેવા ઇચ્છતા હોય કે કોઇ યોજનાકીય લાભ લેવા ઇચ્છતાં હોય તેઓએ અરજીઓ રજૂ કરવાની રહેશે અને આવી અરજીઓને લગત વિભાગોનાં સબંધિત અધિકારીશ્રીઓ દ્વારા સ્થળ પર નિકાલ કરવામાં આવશે. તો આ કાર્યક્રમમાં પોતાની માંગણી રજુ કરવા માંગતા લોકોએ  હાથબ ગામે નિયત સમયે ઉપસ્થિત રહેવું. તેમ ભાવનગર ગ્રામ્યના મામલતદારશ્રીની યાદીમાં જણાવ્યું છે.