ભાવનગરનું રાજહંસ નેચર કલબ પક્ષીઓના સહારે

બિપરજોય વાવાઝોડાએ સમગ્ર ગુજરાતમાં પોતાની અસર દેખાડી છે ત્યારે ભાવનગર શહેરમાં પણ જોવા મળી હતી જેમાં પવન સાથે વરસાદ આવતા ૩ દિવસમાં અનેક પક્ષીઓ પ્રભાવીત થયા જેમાં કબૂતર, દરજીડો, બુલબુલ, ચકલી, કાબર, ટીટોડી, કાંકણસાર, નવરંગ સહિતના ૫૦ થી વધુ પક્ષીઓના બચાવ કાર્ય કરવામાં આવ્યા હતા સાથે ખીસકોલીના બચ્ચાને પણ બચાવ કરી સુરક્ષિત કરવામાં આવ્યા હતાં જેમાં સ્વસ્થ થતાં ફરી પક્ષીઓને કુદરતમાં મુક્ત કરવામાં આવ્યા હતાં. સંપુર્ણ બચાવ કાર્ય વન વિભાગ ભાવનગરના માર્ગદર્શન હેઠળ કરવામાં આવ્યું છે. સંપુર્ણ કામગીરી સંસ્થાના સભ્યો દ્વારા નિસ્વાર્થ ભાવે કરવામાં આવી છે તેનો સંસ્થા આભાર વ્યક્ત કરે છે અને આવનારા દિવસોમાં આવી કુદરતી આફતને પહોંચી વળવા તેમજ ૩૬૫ દિવસ ઘાયલ પક્ષી સારવાર ટીમમાં જોડાવા ભાવનગર શહેરની જનતાને અનુરોધ છે તમે પણ આ કાર્યમાં જોડાવ અને આ મૂંગા પક્ષીઓના સેવાયજ્ઞમાં જોડાવ સભ્ય બનવા માટે ૯૮૨૪૯૧૩૯૧૨, ૯૯૯૮૧૫૧૬૨૬ પર સંપર્ક કરી શકો છો.