ભાવનગરમાં તા. ૨૪ જાન્યુઆરીના રોજગાર ભરતીમેળો યોજાશે

મદદનીશ નિયામક(રોજગાર)ની કચેરી, ભાવનગર દ્વારા આયોજિત ભરતીમેળામાં ખાનગીક્ષેત્રનાં અંદાજિત ૦૭ એકમ(કંપની)માં ડિપ્લોમા(મિકેનિકલ, ફાયર-સેફ્ટિ), આઇટીઆઇ – ફિટર, વેલ્ડર, RFM, ઇલેક્ટ્રિશિયન, પ્લંબર, ૧૦પાસ, ૧૨પાસ, ગ્રેજયુએટ વગેરે શૈક્ષણિક લાયકાત ધરાવતા રોજગારવાંચ્છુઓ માટે મિકેનિકલ એન્જિનિયર, AOCP-ITI, ફિટર, વેલ્ડર, હેલ્પર, સેફ્ટિ ઓફિસર, ચિલિંગ પ્લાન્ટ ઓપરેટર, બિઝનેસ ડેવલપમેંટ એક્સિક્યુટિવ વગેરે જેવી વિવિધ જગ્યાઓ ભરવાની છે. ઉપરોક્ત શૈક્ષણિક લાયકાત ધરાવતા રોજગારવાંચ્છુઓને ભરતીમેળામાં તા.૨૪/૦૧/૨૦૨૪ (બુધવાર), સમય: સવારે ૧૦:3૦ કલાકે, ડો. આંબેડકર ભવન, પાનવાડી, ભાવનગર, ખાતે રૂબરૂ મુલાકાત તેમજ ઇન્ટરવ્યુ માટે રિઝ્યુમની ૪(ચાર) નકલ સાથે સ્વખર્ચે ઉપસ્થિત રહેવા મદદનીશ નિયામક(રોજગાર)ની કચેરી, ભાવનગરની યાદીમાં જણાવાયુ છે.