ભાવનગરમાં નવા એગ્રી બીઝનેસ સેન્ટર સ્થાપવાં માટે જરૂરી લાયકાત ધરાવતાં ઉમેદવારો પાસેથી અરજીઓ મંગાવવામાં આવી

ગુજરાત એગ્રો ઇન્ડસ્ટ્રીઝ કોર્પોરેશન લિમિટેડ રાજ્ય સરકાર સંચાલિત સરકારી સાહસ છે. જો ખેડૂતોની ઉચ્ચ ગુણવતાવાળી ખેત સામગ્રી સમયસર તેમજ વ્યાજબી ભાવે નજીકના સ્થળેથી મળી રહે તે સારું રાજ્યમાં ૧,૩૦૦ થી વધારે એગ્રો સર્વિસ સેન્ટર/એગ્રી બીઝનેસ સેન્ટરનું સંચાલન કરવામાં આવે છે.

જે સેન્ટરો રાસાયણિક ખાતરો, જંતુનાશક દવાઓ, પ્રવાહી જૈવિક ખાતરોના વેચાણની તેમજ સરકારશ્રીની જુદી-જુદી યોજનાઓની કામગીરી કરે છે. નવા એગ્રી બીઝનેસ સેન્ટર સ્થાપવાં માટે જરૂરી લાયકાત ધરાવતાં ઉમેદવારો પાસેથી અરજીઓ મંગાવવામાં આવે છે. અરજી પત્રક નિગમની ભાવનગર કચેરી ખાતેથી તેમજ ગાંધીનગર ખાતેની વડી કચેરીએથી ઓફીસ સમય દરમ્યાન મળી રહેશે તેમ સેન્ટર ઇન્ચાર્જની યાદીમાં જણાવાયું છે