ભાવનગર ખાતે સીદી સમાજના પ્રતિભાશાળી બાળકોને જિલ્લાકક્ષા સ્પોર્ટ્સ સ્કૂલમાં પ્રવેશ અપાશે

 ભાવનગર ખાતે સીદી સમાજના પ્રતિભાશાળી બાળકોને જિલ્લાકક્ષા સ્પોર્ટ્સ સ્કૂલમાં પ્રવેશ આપવામાં આવશે જે અંતર્ગત રજીસ્ટ્રેશન ફોર્મ જિલ્લા રમત વિકાસ અધિકારીની કચેરી, સ્પોર્ટ્સ કોમ્પ્લેક્સ, ભાવનગર ખાતેથી મેળવી શકાશે.સ્પોર્ટ્સ ઓથોરીટી ઓફ ગુજરાત દ્વારા દર વર્ષે સીદી સમાજના બાળકોમાં રહેલી રમત ક્ષેત્રેની સુષુપ્ત પ્રતિભાને બહાર લાવવા ટેલેન્ટ આઈડેન્ટીફિકેશનનું આયોજન કરવામાં આવનાર છે. આ પ્રવેશ પ્રક્રિયામાં તા. ૦૧/૦૧/૨૦૧૧ થી ૩૧/૧૨/૨૦૧૬ વચ્ચે જન્મેલા હોય તેવા ભાવનગર જિલ્લાના સીદી સમાજના બાળકો (ભાઈઓ/બહેનો) માટે આગામી સમયમાં સાત દિવસ માટે શિબિરનું આયોજન થનાર છે. રમત-ગમતમાં રસ ધરાવતા તમામ સીદી બાળકોના રજીસ્ટ્રેશન ફોર્મ જિલ્લા રમત પ્રશિક્ષણ કેન્દ્ર, સ્પોર્ટ્સ કોમ્પ્લેક્સ, સિદસર, ભાવનગર ખાતેથી મેળવી જરૂરી વિગતો અને આધાર પુરાવા સાથે કચેરીને પરત આપવાનું રહેશે.આ તાલીમ શિબિર પૂર્ણ થયા બાદ પ્રતિભાશાળી સીદી ખેલાડીઓને રાજ્ય સરકારની જિલ્લાકક્ષા સ્પોર્ટ્સ સ્કૂલ યોજનામાં સીધો પ્રવેશ આપવામાં આવશે.